No noso cole temos moita marcha. Por iso, participamos nos concertos virtuais do Correlingua e celebrar a nosa lingua con moita enerxía. Se non tivéchedes oportunidade, sempre podedes ver a grabación na súa canle.
Xa case rematamos o cole mais os estudantes do CEIP Randufe non deixan de aprender. Toda a escola estivo investigando sobre diferentes formas da arquitectura galega. Mesmo construíron maquetas!
Velaquí está o vídeo onde se recolle un pequeno resumo da exposición sobre a escritora homenaxeada nas Letras Galegas: Xela Arias. Mestra, escritora, tradutora e defensora da nosa Lingua.
Cada clase fixo un espectacular traballo CONSTRUÍNDO unha portada dalgunha das súas obras, tanto orixinais como traducións ao galego. Además, os rapaces de cuarto prepararon uns poemas da súa obra Darío a Diario que tanto nos gustou na clase. E os rapaces de sexto investigaron sobre todas as figuras xeométricas que podemos CONSTRUÍR coa portada de Drácula, traducido por Xela Arias.
Que divertido foi participar neste proxecto con Radio Tui. Nesta ocasión os rapaces de cuarto de Primaria colaboraron cos rapaces de Infantil de 4 anos na recomendación lectora do libro Orellas de Bolboreta da Editorial Kalandraka.
Unha nova recomendación lectora no aire para todo o Baixo Miño na que traballaron conxuntamente 6º de Infantil e 4º de Primaria. Escoitade e veredes que divertida está a canción que os pequechos aprenderon!
Os alumnos e alumnas de cuarto de Primaria participaron no programa de Radio de Tui compartindo os nosos proxectos escolares e a súa recomendación lectora para todos os oíntes. Queredes escoitalos? Premede nos arquivos e veredes o talento dos estudantes de Randufe.