A Lei Orgánica de Educación introduciu o Plan de Convivencia como unha das novidades que na actualidade xa forman parte da vida dos centros.
Na circular 18/2007 que regula as liñas prioritarias de actuación dos Departamentos de Orientación sinálase a convivencia como un aspecto fundamental para traballar dende o Departamento.
O plan de convivencia do noso centro foi aprobado no curso 2007-2008. Os obxectivos xerais que se marcan son 7:
1.- Asegurar unha orde interna que permita conseguir os obxectivos educativos do noso Centro.
2.- Divulgar e implantar entre todos os membros da comunidade educativa o R.R.I
3.- Concienciar a todos os membros da comunidade educativa da necesidade de coñecer e respectar os dereitos e deberes dos alumnos/as, profesores/as, o persoal de servizos e os pais/nais.
4.-Potenciar todas aquelas actividades que favorezan a orde, a disciplina e o respecto mutuo.
5.- Desenvolver o interese polo traballo cooperativo e solidario, fomentando o traballo en equipo como factor de eficacia fronte ao excesivo individualismo.
6.- Manter, por parte do profesorado, unha liña de conducta coherente, uniforme e sistemática no tratamento da orde e a disciplina.
7.- Propiciar a colaboración familia – centro a través dun intercambio constructivo de informacións que permita unir esforzos para lograr fins comúns e creación de canles de comunicación.
No seguinte enlace pódese consultar as actividades que se desenvolven no centro ó longo do curso en relación coa convivencia:
Plan de actuación