CEIP Plurilingüe Praza de Barcelos

Bo día,

achégovos no arquivo adxunto e en formato pdf a listaxe provisional do fondo de libros para os cursos 3º e 4º de Educación Primaria, nesta listaxe só aparece o número de libros que lle tocaría a cada alumno/a.

Para a vindeira semana, entre o 15 e o 16 de xullo publicaremos a listaxe definitiva na que xa aparecerán as materias que lles tocará a cada alumno/a, tede en conta tamén que entre a listaxe provisional e a definitiva poida que haxa algún cambio, posto que entran matrículas novas e se resolven solicitudes excluídas.

A Dirección .-

¡¡ Benvidos rapaces e rapazas ao cole Praza de Barcelos !!

O prazo para a formalización da matrícula para o vindeiro curso escolar 2019/20 é do 20 ao 30 de xuño.

Aquí vos achego os impresos do cole que tedes que cubrir e entregar no centro. A última das follas do pdf é da documentación que teredes que aportar para a matrícula.

Se tedes algunha dúbida non vos preocupedes, cando os presentes no cole resolverémolas sen problema; ou se queredes podedes chamarnos por tlfo. ao 886 151567.

Un saúdo a todos e todas... !!

Bo día,

hoxe publicamos as listaxes definitivas do alumnado admitido e non admitido para o vindeiro curso escolar 2019/20.

Nos arquivos en pdf que xuntamos atoparedes as listaxes ordenadas por educación e curso.

Estas listaxes permanecerán expostas no taboleiro de anuncios e na páxina web do centro ata o día de inicio do novo curso escolar.

De conformidade co art. 30.3 da Orde do 12 de marzo de 2013 (DOG 53), as persoas interesadas poderán consultar as listaxes definitivas coa puntuación desglosada dos criterios do baremo na secretaría do centro.

Contra a resolución definitiva, as persoas interesadas poderán interpoñer recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación.

Por último lembrade que unha vez admitidos e admitidas teredes que formalizar a matrícula no cole do 20 ao 30 de xuño, para elo haberá que cubrir uns impresos do cole que vos facilitaremos no centro e tamén os poderedes descargar nesta páxina web.

 Como todos os anos ábrese o prazo para a presentación de solicitudes de admisión de alumnado de novo ingreso para o vindeiro curso escolar 2019/20.

O prazo para a presentación de solicitudes vai do 1 ao 20 de marzo (a.i.).

Nos arquivos que xuntamos tedes toda a información relativa ao proceso de admisión :

- Prazas vacantes 

- Solicitudes (Modelo ED550B)

- Normativa reguladora do proceso de admisión - Zonas de influencia e limítrofes

Segundo a Orde do 9 de maio de 2018 pola que se regula a participación no fondo solidario de libros de texto destinada entre outras ao alumnado matriculado en Educación primaria, publicamos nos arquivos adxuntos en formato pdf, a listaxe definitiva do reparto de libros do fondo do CEIP Praza de Barcelos dos cursos 3º e 4º de educación primaria para o vindeiro curso escolar 2018/19.

A dirección.