Skip to Content
CORREO: ceip.praza.barcelos@edu.xunta.es TELEFONO:886 15 15 67

RESERVA DE PRAZA NO IES VALLE INCLÁN EN 1º DA ESO PARA O VINDEIRO CURSO 2020/21

ALUMNADO DE 6º EDUCACIÓN PRIMARIA

 

 O CEIP Praza de Barcelos está adscrito ao IES VALLE INCLÁN, isto quere dicir que o noso alumnado pode reservar praza, se así o decide, nese Instituto.

 

O prazo de reserva de praza é dende o 1 ao 17 de febreiro de 2020 (a.i.).

 

A solicitude deberá entregarse na Secretaría do CEIP Praza de Barcelos (formulario normalizado ED550A) que achegamos con esta nota informativa, debidamente cumprimentada; Tamén poderase presentar na Sede Electrónica da Xunta de Galicia, para o cal se precisará da Chave 365 ou dun certificado dixital.

CEIP PRAZA DE BARCELOS

COMEZO DO CURSO 2019/20

 

O día 11 de setembro comezan as clases no CEIP Praza de Barcelos.

O alumnado de Educación Primaria entrará ás 09:00 h.

O alumnado de Educación Infantil entrará ás 10:00 h.

 

¡¡ BENVIDOS A TODOS E TODAS !!

LISTAXES DEFINITIVAS DO REPARTO DO FONDO DE LIBROS - 2019/20

Bo día,

achégovos no arquivo adxunto a listaxe definitiva do reparto do fondo de libros de texto para 3º e 4º de Educación Primaria para o vindeiro ano escolar 2019/20.

Unha aperta a todas e todos, pasade un bo verán...

 

A Dirección

 

 

FONDO DE LIBROS 2019/20

 

Bo día,

achégovos no arquivo adxunto e en formato pdf a listaxe provisional do fondo de libros para os cursos 3º e 4º de Educación Primaria, nesta listaxe só aparece o número de libros que lle tocaría a cada alumno/a.

Para a vindeira semana, entre o 15 e o 16 de xullo publicaremos a listaxe definitiva na que xa aparecerán as materias que lles tocará a cada alumno/a, tede en conta tamén que entre a listaxe provisional e a definitiva poida que haxa algún cambio, posto que entran matrículas novas e se resolven solicitudes excluídas.

A Dirección .-

 

LIBROS DE TEXTO - CURSO ESCOLAR 2019/20

Achégovos nos arquivos adxuntos, por cursos e en formato pdf as listaxes de libros de texto para o vindeiro curso escolar 2019/20.

En 5º e 6º de Educación Primaria como saberedes non existe listaxe de libros xa que o centro está adscrito ao Plan Edixgal e os contidos das materias daranse a través de ordenador, que se repartirán e se darán as instrucións precisas a principio de curso.

Aproveito para lembrar que os vales para as axudas de libros de texto e de material para os cursos 1º e 2º de Educación Primaria estarán dispoñibles no centro a partir do próximo día 9 de xullo para que os poidades vir recoller.

O centro estará aberto durante todo o mes de xullo.

Un saúdo a todos e todas...

A dirección

FORMALIZACIÓN DA MATRÍCULA PARA O ANO ESCOLAR 2019/20

¡¡ Benvidos rapaces e rapazas ao cole Praza de Barcelos !!

O prazo para a formalización da matrícula para o vindeiro curso escolar 2019/20 é do 20 ao 30 de xuño.

Aquí vos achego os impresos do cole que tedes que cubrir e entregar no centro. A última das follas do pdf é da documentación que teredes que aportar para a matrícula.

Se tedes algunha dúbida non vos preocupedes, cando os presentes no cole resolverémolas sen problema; ou se queredes podedes chamarnos por tlfo. ao 886 151567.

Un saúdo a todos e todas... !!

FONDO SOLIDARIO DE LIBROS DE TEXTO E AXUDAS PARA LIBROS E MATERIAL

 

O día 21 de maio publicouse a Orde do 3 de maio da Consellería de Educación, Universidade e F.P. pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria en centros docentes sostidos con fondos públicos, para o curso escolar 2019/20.

O prazo para a presentación de solicitudes vai do 21 de maio ao 21 de xuño de 2019.

LISTAXES DEFINITIVAS DE ALUMNADO PARA O CURSO 2019/20

Bo día,

hoxe publicamos as listaxes definitivas do alumnado admitido e non admitido para o vindeiro curso escolar 2019/20.

Nos arquivos en pdf que xuntamos atoparedes as listaxes ordenadas por educación e curso.

Estas listaxes permanecerán expostas no taboleiro de anuncios e na páxina web do centro ata o día de inicio do novo curso escolar.

De conformidade co art. 30.3 da Orde do 12 de marzo de 2013 (DOG 53), as persoas interesadas poderán consultar as listaxes definitivas coa puntuación desglosada dos criterios do baremo na secretaría do centro.

Contra a resolución definitiva, as persoas interesadas poderán interpoñer recurso de alzada ante a persoa titular da xefatura territorial, no prazo dun mes contado a partir do día seguinte ao da súa publicación.

Por último lembrade que unha vez admitidos e admitidas teredes que formalizar a matrícula no cole do 20 ao 30 de xuño, para elo haberá que cubrir uns impresos do cole que vos facilitaremos no centro e tamén os poderedes descargar nesta páxina web.

Distribuir contido


by Dr. Radut