O curso 2018/2019 chegou ao fin. Polo que o persoal do centro desexa que toda a comunidade educativa teña...

Premendo na imaxe pódense ver fotos das múltiples actividades coas que gozamos este mes de xuño: alfareiros, festa de fin de curso, festival... 

Vaia festa tivemos no cole co gallo do Día das Letras Galegas. 

Pandereiteiras, acordeón, danza dos arcos e lecturas, moitas lecturas sobre lendas, gastronomía, tradicións, cantigas... Fomos Antón Fraguas por un día facendo grande o noso patrimonio.

Coma sempre, lembra este día, os nosos traballos,... premendo na imaxe e gozando coas fotos.

Xa sabedes que abril é un mes especial porque o día 23  é o Día do libro; por isto: EN ABRIL, LIBROS MIL. Para conmemoralo, tivemos unha carta da nosa mascota da biblioteca e fomos convidados e convidadas a unha sinatura dos libros de lectura: Eli Ríos, escritora de "Marta e a píntega" e Beatriz Maceda Abeleira, autora de " O álbum de Garrincha". Viñeron as dúas a pasar a tarde do martes, 9 de abril. FOI XENIAL!!!!  Preme na imaxe de Xiana e FELICIES FOTOS!!!!

Estamos de volta para lembrar un día especial: o entroido.

Da semana do 25 de febreiro ao 1 de marzo o noso "meco" foinos mergullando no ambiente entroidal: o luns unhas botiñas nos pés, o martes un gorro na cabeza... e, o esperado venres con concurso gastronómico, chocolatada e desfile con auga, auguiña por todos os recunchos do noso colexio. Tiñamos auga en todos os seus estados. Tamén nos visitou o arco da vella, oficios relacionados coa auga, uns peixiños...En fin, preme na imaxe e ti VERÁS!!!!!

Co gallo do Día Internacional da Muller o noso patio, de novo, converteuse nun espazo a "pro" da coeducación, a igualdade, o compañerismo, o respecto, a tolerancia... Premendo na imaxe teredes acceso a tres carpetas con fotos do 25N, Día da Paz e 8M para lembrar que o patio é un espazo de convivencia onde todas e todos podemos xogar, compartir bailes, apertas, sorrisos... clica e veredes...

Decembro foi un mes moi animado. Se premes na imaxe da postal poderás ver as fotos da saída ao cine dos nenos e nenas de 3º, 4º e 5º, a visita do mago e algunha foto do festival do venres 21 de decembro. Clica e a gozar!!!!

Un ano máis o Samaín toca ás nosas portas!!! Os corredores estaban ateigados de cabazas, morcegos, arañas, ratos e ratas, gatos miañando...; e como sempre, para lembrar ese día podes premer na imaxe do photocall para ver algunhas fotos.

No ficheiro adxunto que hai máis abaixo están os minirelatos  que escribimos para pasar un día de MEEEDOOO!

Estimadas familias:

Un novo curso comeza con ilusións renovadas, pilas cargadas e moitas ganas de reencontrarse cos mestres, mestras, compañeiros e compañeiras. Tamén empezamos con novidades para mellorar a convivencia escolar, como as novas Normas de Organización e Funcionamento do Centro. Este documento pódese consultar no documento adxunto máis abaixo.

Disque hai unha festa no faiado!!!!

Todos e todas pensabamos que o fin de curso viña adiantado mais non!!!! Que estamos de festa. Unha festa á galega!!!!!

Vivan as Letras Galegas. Preme na imaxe e verás o que fixemos para coñecer a María Victoria Moreno e celebrar este 17 de maio.

Este 7 e 8 de maio estiveron moi animados. Viñeron de visita a escritora María Canosa e a actriz Victoria Pérez (Vicky) para lembrarnos que ler é unha actividade moi divertida. Preme na seguinte imaxe e verás que ben o pasamos.