Aproveitando a proximidade do día das Letras Galegas, no CEIP Piñeiros acaba de organizarse a 1º edición do concurso fotográfico "Coñece o teu Concello" no que pode participar todo o alumnado deste centro.
Os alumnos participantes deberán traer fotografías do Concello de Narón relacionadas coa súa paisaxe, monumentos, arte, arquitectura, xentes, tradicións, etc.
Cada fotografía deberá estar acompañada dunha lenda ou dun texto breve que explique a imaxe.
O prazo de entrega abrangue dende o vindeiro luns, 3 de maio ata o xoves, 13 de maio.
Se é posible, o tamaño da fotografía deberá ser de 13x18 cms. O alumnado poderá traela xa impresa ou ben nun pen drive.
Os premios dividiranse en 4 categorías:
- Narón Natural,
- Narón Urbano,
- Recunchos por descubrir e
- Xentes de Narón.
Cada gañador recibirá un vale de 20€ para gastar na Librería Galicia.
As fotografías publicaranse na páxina web do colexio.
Dende o centro queremos animar a que o noso alumnado participe nesta 1ª edición do concurso fotográfico.
Si queredes ver as fotografías que participan neste concurso fai click neste enlace ou fai click na foto.
