Skip to Content

        

Como contactar co centro do 18 de xullo ata o 31 de agosto?

O CEIP Piñeiros permanecerá pechado dende o 18 de xullo ata o 31 de agosto.

Para contactar co CEIP Piñeiros dende o 18 de xullo ata o 29 de xullo, podedes chamar aos seguintes números de teléfono en horario de 10:00 a 13:00 horas, de luns a venres:

881930378

664226046

Tamén podedes contactar a través do correo electrónico do centro: ceip.pinheiros@edu.xunta.gal

No mes de agosto, ambos os dous números de teléfono estarán inactivos; pero se tedes algún asunto urxente que tramitar podedes enviar un correo electrónico ao correo do centro arriba indicado.

 

 

 

 

Publicación da listaxe definitiva de alumnado con dereito a participar no fondo solidario de libros de texto (3º e 4º cursos de Educación Primaria)

Comunicamos as familias do alumnado que, no vindeiro ano académico 2022-2023 estará matriculado nos cursos 2º e 3º de Educación Primaria que, na secretaría do CEIP Piñeiros, está publicada a lsitaxe definitiva de alumnos e alumnas que teñen dereito a participar no fondo solidario de libros de texto. As familias que solicitáchedes participar no fondo solidario de libros de texto a través da sede electrónica, podedes realizar, igualmente, a consulta na aplicación Fondolibros.

Horario do centro dende o 1 de xullo ata o 15 de xullo de 2022

Comunicamos a todas as familias do CEIP Piñeiros que este centro permanecerá aberto dende o 1 de xullo ata o 15 de xullo, en horario de 9:00 a 13:00 horas.

Publicación da listaxe provisional de alumnado con dereito a participar no fondo solidario de libros e retirada dos vales de libros de texto e de material escolar

Comunicamos ás familias de 3º e 4º cursos de Educación Primaria que xa está publicada na secretaría do centro a listaxe coa relación provisional de alumnos/as con dereito a participar no fondo solidario de libros de texto. O prazo para realizar reclamacións é dende o 1 de xullo ata o 4 de xullo de 2022. Está previsto que a publicación da listaxe definitiva se publique o 8 de xullo de 2022.

Tamén informamos a todas as familias do alumnado de Educación Primaria que xa podedes achegarvos ata este centro educativo a retirar os vales para a adquisición de material escolar así como os vales para a adquisición dos libros de texto para os alumnos e alumnas dos vindeiros cursos de 1º e 2º de Educación Primaria.

REVISTA ESCOLAR 2021-22

Xa está recén saída do forno a revista escolar deste curso académico. E con moito contido e traballos feitos polo noso alumnado, dende os máis novos aos máis maiores. Si queredes botarlle un ollo, facede click aquí.

Relación de libros de texto para o curso 2022-2023

Para coñecer a relación de libros de texto que o alumnado de Educación Primaria usará no vindeiro curso escolar 2022-2023, preme "aquí".

ACTUACIÓN LOVA ALUMNADO 6º PRIMARIA

Os alumnos e alumnas de 6º de primaria participaron durante todo o curso nun proxecto titulado LOVA (La ópera como vehículo de aprendizaje). Si queredes ver o resultado deste traballo, aquí tedes a súa actuación no Pazo da Cultura o pasado 6 de xuño. 

Fixérono xenial. 

Fai click aquí para velo.

PROGRAMA DE RADIO ESCOLAR 4º EDUCACIÓN VIAL

Este pasado xoves grabamos un novo programa de Radio Estrela. Foi o curso de 4º de primaria que elaborou un programa sobre a asignatura de Educación Vial e as distintas cousas que traballaron nela ao longo deste curso. A maiores, realizáronlle unha entrevista á Xefa Provincial de Tráfico, dona Mª Victoria Gómez Dobarro.

Si queres escoitar o programa, fai click aquí. 

AXUDAS PARA ADQUIRIR LIBROS DE TEXTO E MATERIAL ESCOLAR E PARA PARTICIPAR NO FONDO SOLIDARIO DE LIBROS DE TEXTO-CURSO 2022-2023

Comunicamos a todas as familias do alumnado de educación primaria que o mércores 18 de maio de 2022 saiu publicada no DOG a Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23.

O prazo para solicitar a participación no fondo solidario de libros e as axudas remata o 22 de xuño de 2022.

Aínda que as solicitudes se presentarán, preferiblemente, por vía electrónica, no formulario normalizado ED330B-anexos I e II, dispoñible na aplicación fondolibros (https://www.edu.xunta.es/fondolibros), a través da sede electrónica da Xunta de Galicia, https://sede.xunta.gal, tamén podedes recoller e presentar os impresos  e demais documentación na conserxería do centro. Xunto co impreso de solicitude se vos facilitará unha folla informativa. Toda a información está publicada na páxina web do centro e no taboleiro.

Para ver un resumo de toda a normativa, preme "aquí"

Para consultar os prazos establecios, preme "aquí".

Para descargar os formularios preme en "Anexo I" e "Anexo II".

Para consultar a orde, preme "aquí".

Publicación da listaxe provisional de alumnado admitido para o curso 2022-2023

Comunicamos que na conserxería do CEIP Piñeiros está publicada a listaxe provisional de alumnado admitido para o vindeiro curso 2022-2023.

Distribuir contido


by Dr. Radut