CEIP de Piñeiros

Considerando que os centros educativos debemos establecer garantías para unha avaliación do alumnado conforme criterios obxectivos, así como o procedemento de reclamación das cualificacións, promoción e titulación, o claustro do CEIP Piñeiros do Concello de Narón aprobou, con data do 1 de xuño de 2021, os procedementos necesarios para realizar a reclamación e revisión das cualificacións finais, así como a reclamación sobre a decisión de promoción por parte das familias, seguindo o protocolo marcados na lexilación educativa vixente, entre a que se atopan a Orde do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promocións e obtención do título académico que corresponda, en educación infantil, educación primaria, educación secundaria obrigatoria e bacharelato, así como na Circular 2/2021 pola que se precisan aspectos da Orde do 2 de marzo de 2021.

Para coñecer os procedemento de reclamación e revisión das cualificacións finais, así como o procedemento de reclamación sobre a decisión de promoción, preme "aquí".

Para coñecer o protocolo de revisión e entrega de exames, preme "aquí".

Comunicamos a todas as familias que, no vindeiro curso, poñerase en marcha, no CEIP Piñeiros, o servizo de madrugadores para o alumnado de todos os cursos, sempre e cando a evolución da pandemia o permita. A empresa contratada é Gazapo. Comezará a funcionar ás 7:30 horas e rematará ás 9:00 horas. O servizo de madrugadores realizarase nalgún espazo do centro, posiblemente nunha aula. As familias poderedes optar polo servizo de madrugadores con almorzo ou polo servizo de madrugadores sen almorzo. O custo aproximado será duns 30 euros ao mes. A ANPA "As Aceas" será a encargada da súa xestión coa axuda da dirección deste centro. Moi probablemente, no mes de xuño enviarásevos en papel, unha notificación sobre a posta en funcionamento deste servizo así como o formulario  de solicitude/compromiso deste servizo. Se hai familias que estades interesadas en facer uso deste servizo, podedes comunicalo na conserxería do centro co obxectivo de empezar a coñecer o número de usuarios que farán uso del.