Proxecto de vida activa e deportiva

O alumnado de 4 anos B traballando as matemáticas a par que o equilibrio e a motricidade fina.

Pasámolo xenial!!

Ao longo deste curso o alumnado de 5ºA realizou diferentes actividades en movemento, favorecendo así a actividade física e deportiva. Grazas a estas actividades traballamos contidos curriculares de forma activa e alegre, observando que o movemento, aprendizaxe e diversión van unidas da man. Algunhas das propostas que realizamos ao longo do curso están reflexadas no seguinte video como por exemplo "O pañuelo matemático", "Ditados en movemento", o xogo das sillas musicais para analizar palabras, etc.

Diseño de Nerea

Na clase de 4 anos A tamén nos movemos!

Traballamos a coordinación e o equilibrio a través deste Twister tan artístico.

Os nenos e nenas de 2ºA e 2ºB fixeron unha actividade na que combinan a coordinación, a lateralidade e o ritmo. Puxemos unha lona coas pegadas dos pés en diferente sentido, e eles tiñan que pisar segundo fose aparecendo á vez que a música que soaba. O resultado foi un vídeo moi gracioso e pasáronno moi ben!

O pasado 25 de maio acudimos ao CEIP Xosé Fernández López a participar nunha xornada de dinamización intercentros xunto a outros 10 colexios! Foi unha xornada moi divertida na que coñecemos a moitos dos nosos futuros compañeiros de instituto e de clubs deportivos da zona! 

O pasado 19 de abril o alumnado de 5º e 6º do CEIP Mestre Valverde Mayo acudiu ao noso colexio para xogar con alumnado de 5º a varios deportes. Foi unha xornada moi divertida na que practicamos fútbol sala, baloncesto, balonmán, bádminton e botebol. O máis importante é que progresamos na deportividade e no xogo limpo!

O pasado 22 de marzo acudimos ao IFEVI para xogar ao bádminton con outros centros educativos da zona! Pasámolo xenial e aprendemos moito deste deporte!