O 2 de maio celébrase o Día Internacional contra o Bullying ou Acoso Escolar co obxectivo de concienciar sobre o risco do mesmo a nivel mundial, así como buscar estratexias para previlo e para establecer un protocolo de actuación nestes casos.
Nos últimos anos, este "mal da sociedade actual" ten como resultado lamentables consecuencias que poden marcar para sempre a vida non só da vítima, senón de toda a contorna familiar e social, porque a todos e todas, dun xeito directo ou indirecto, nos afecta, producindo rabia, frustración, tristura e impotencia.
Como parte desta sociedade non podemos ser indiferentes diante dunha problemática que afecta a miles de nenos e nenas de todo o mundo.
Desde o noso colexio somos conscientes de que a prevención é fundamental, polo que, ao longo de todo o curso, traballamos transversalmente apoiándonos no Programa de Benestar Emocional de Centro, pero tamén queremos aportar o noso gran de area nesta data escollida, propoñendo diversas actividades de sensibilización ao alumnado neste mes de maio.
Entre as propostas deste ano: concurso de carteis, creación de lemas, visionado de vídeos e lectura de contos adaptados ás distintas etapas evolutivas, que se traballarán nas titorías.
Seleccionamos catro deles para compartirvos