Skip to Content

Educación física

Convivencia co colexio de Boborás.

O pasado venres 27 de maio celebramos unha xornada de convivencia no noso centro. Foi entre alumnado de 1º ciclo do noso centro e 29 nen@s de 1º ciclo do CEIP de Xuvencos, de Boborás.

A xornada enmárcase dentro do programa Xogade (modalidade multixogo), no que participamos todos os anos. Organizouse en 7 zonas por onde o alumnado ía rotando e practicando distintos xogos, a maioría de tipo tradicional.

Torneo comarcal de bádminton - Arenteiro 2022

O 5 de abril disputouse o torneo comarcal de bádminton da Agrupación Deportiva Arenteiro, tras dous anos de parón pola pandemia. Foi no IES Chamoso Lamas (Carballiño), grazas ao profe Carlos, de Ed. Física, que este ano organizou estupendamente a actividade. Parabéns a el e a todos os participantes. Agardamos repetir o vindeiro ano!  Ver fotos.

Pupas, sustos e outros disgustos.

O pasado 4 de abril houbo sesión de primeiros auxilios para o alumando de 3º e 4º de primaria. Foi de novo, grazas ao programa do Sergas "Pupas, sustos e outros disgustos", promovido pola Área sanitaria de Ourense. Nel ensínase mediante o xogo, aos nenos e nenas, a reacciónar ante certas emerxencias e problemas de saúde.

Ver fotos.

Xogando ao atletismo 2022

O pasado xoves 3 de marzo, disputouse no pavillón de Amoeiro o campionato comarcal de "Xogando ao atletismo" en categoría benxamín, coa participación do noso centro e 6 colexios máis.

Foi unha fermosa mañá deportiva onde as carreiras, os saltos e os lanzamentos serviron para que o alumnado disfrutase do atletismo adaptado á súa idade.

Torneos deportivos de fin de curso (Xogade)

Co obxectivo de compensar en parte a falta de deporte escolar na comarca pola covid19, programáronse 3 torneos de xeito interno para os últimos días de curso (ademais dunha liga de bádminton en 2º e 3º ciclo durante o curso).

Fotos dos torneos de fin de curso:

https://photos.app.goo.gl/uNXxqAMou2XVom347

1º ciclo: carreiras de sacos.

2º ciclo: velocidade 60 metros.

3º ciclo: I Torneo de bádminton CEIP Otero Pedrayo.

 

Obradoiro de xogos populares.

Fotos do obradoiro de xogos populares realizado no mes de abril. un obradoiro que solicitamos todos os anos ao Centro de Cultura Popular Xaquín Lorenzo.

https://photos.app.goo.gl/aWYY5KdSZ5f59TsSA

Jerusalema Dance _ 5º-6º de primaria

JERUSALEMA DANCE 2020 - Vídeo canción traballada en Música e Educación Física polo alumnado de 3ro ciclo (5º-6º EP) durante a semana previa ao Nadal, para compensar a falta do festival deste ano por mor da covid19.

MAGOSTO 2020

Celebración do Magosto con actividades varias:

  • Carreiras do San Martiño.
  • Xogos tradicionais como a ra, e outros con landras e castañas como protagonistas.
  • Obradoiros de manualidades.
  • E no comedor, degustación de bolos preñados e castañas asadas.

O deporte non ten xénero.

Compartimos este vídeo da Asociación de desenvolvemento rural da comarca de Ourense (ADERCOU).

Pola igualdade e a coeducación. O deporte non ten xénero.

Distribuir contido


by Dr. Radut