Skip to Content

Xornada de promoción do hockei.

Lun, 29/04/2024 - 17:52 — miguelbg

O venres pasado o alumnado de 2º a 6º de primaria disfrutou dunha mañá de aproximación ao hockei a través de exercicios e xogos, dentro do programa Fomento do deporte da Xunta de Galicia.

Charlando Con Xabi (autor de Naturizo)_Día do libro 2024

Xov, 25/04/2024 - 13:25 — miguelbg

O pasado mércores tivemos un encontro con Xabier Domínguez, que aparte de profe (xa estivo traballando no cole o curso pasado), é o autor de diversos contos para os máis pequenos, como a colección de Naturizo, un simpático ourizo que xa é todo un personaxe no noso centro. De feito, na visita, Xabi inaugurou un mural que ten a Naturizo de protagonista, e tamén o noso invernadoiro ao que demos en chamarlle "O invernadoiro de Naturizo".

Un millón de grazas, profe!!

Apadriñamentos lectores_Día do libro 2024

Xov, 25/04/2024 - 09:38 — miguelbg

Entre outras actividades, para o Día do libro deste ano tivemos de novo os xa tradicionais apadriñamentos lectores, onde os maiores lle len contos aos máis pequenos.

Medallistas atletismo benxamín e alevín 2024

Mér, 24/04/2024 - 11:44 — miguelbg

Fotos dos alumnos e alumnas que destacaron e se clasificaron nos tres primeiros postos das diferentes probas de atletismo no campionato comarcal da Agrupación Deportiva Arenteiro.

Parabéns a tod@s!!

Recreamos os nosos contos favoritos: día do libro

Mar, 23/04/2024 - 21:19 — bealimia

Xogando ao atletismo benxamín 2024

Ven, 19/04/2024 - 11:32 — miguelbg

O pasado mércores 17 de abril disfrutamos dunha estupenda xornada de atletismo benxamín, organizada polo noso cole no polideportivo municipal, competindo con outros 7 colexios da zona do Arenteiro. Houbo lanzamentos, saltos, carreiras, remudas (relevos) e moita diversión. Ademais, o noso alumnado realizou un excelente papel, conseguindo dominar diversas probas e traéndose para o colexio o trofeo de 4º clasificado.

No apartado de agradecementos, temos que agradecer unha vez máis ao profesorado do resto de colexios a colaboración prestada, o mesmo que ao alumnado de 6º do noso centro, que colaborou de novo en diversas tarefas ao longo de toda a mañá; e tamén á Asociación Medrando Amoeiro que aportou o necesario para unha saborosa pausa-café do profesorado.

Grazas a tod@s e parabéns ao noso alumnado e ao resto de participantes.

Pulsade na imaxe para ver o álbum co todas as fotos e vídeos.

 p

Día da árbore 2024

Ven, 19/04/2024 - 10:05 — miguelbg

O pasado luns 15 de abril celebramos o Día da árbore cunha andaina ata Rouzós, onde o alumnado puido plantar varias árbores, regalos coa mangueira dos bombeiros, poñer casiñas niño para os paxaros e pasar unha mañá en plena natureza.

Podedes ver todas as fotos clicando nesta ligazón ou na imaxe de abaixo.

https://photos.app.goo.gl/9YN9ggxcqxb5iDgb9

dia da arbore

Charla de educación vial coa Garda Civil de tráfico.

Mar, 09/04/2024 - 16:24 — miguelbg

O pasado luns visitounos unha patrulla da Garda Civil de tráfico para dar unha charla formativa

sobre educación vial en 5º e 6º de primaria. E a continuación puidemos ver o coche patrulla por

dentro e incluso montar nel.

r

Obradoiro de xogos tradicionais 2024

Lun, 08/04/2024 - 10:35 — miguelbg

Fotos do obradoiro de xogos tradicionais a cargo de Lito e a Asociación cultural Xaquín Lorenzo

para o alumnado de 5º e 6º de primaria. Puideron aprender e disfrutar de xogos como a porca

(antigo xogo similar ao hockei actual), o pino, e tamén xogos de mesa coma o muíño ou o moco.

 

Exemplos da portada para o día do libro

Xov, 04/04/2024 - 18:08 — bealimia

Para o día do libro trátase de que o alumnado reproduza a portada do seu conto favorito.

Aquí tedes algúns exemplos:

 

 

 

 

 

 

 

 

 

 

Admisión alumnado - curso 2024-2025

Mér, 03/04/2024 - 19:06 — bealimia

Todo o alumnado que solicitou praza para o vindeiro curso no noso centro OBTIVO PRAZA.

A formalización da matrícula farase do 20 ao 30 do mes de xuño.

Avaliación de diagnóstico

Mér, 03/04/2024 - 18:59 — bealimia

Que é?

 

É unha avaliación do sistema educativo establecida na nova lei educativa estatal para todas as comunidades autónomas. Trátase dunha ferramenta para contribuír á mellora da calidade e da equidade da educación a través do coñecemento do grao de adquisición das distintas competencias por parte do alumnado.

Non é unha avaliación do alumnado. Polo tanto, non hai datos nin cualificacións individuais, non hai información que incorporar ao expediente académico do alumno/a e non existirán informes con orientacións individualizadas. En conclusión, a avaliación de diagnóstico non ten ningún efecto académico.

 

Que competencias se analizan?

 

Analizaranse as competencias matemática e en comunicación lingüística: Lingua Galega, Lingua Castelá e Lingua Estranxeira Alemán, Inglés, Francés e Portugués segundo a matrícula do alumnado).

A quen se dirixe?
A todo o alumnado de 4.º curso de educación primaria e 2.º curso de educación secundaria obrigatoria de todos os centros educativos de Galicia.

Cando se realiza?

Realizarase durante os días 10 e 11 de abril de 2024.

Máis información no díptico

 

Escape room "Os números de Rosalía".

Xov, 28/03/2024 - 12:47 — miguelbg

No penúltimo día do trimestre, o alumnado de 5º e 6º de primaria disfrutou dun xogo de escape ou escape room no que o obxectivo era conseguir a chave para poder saír da aula. A clave para atopar a chave estaba nun caixa pechada con candados de chave e candados de combinación numérica. Para abrir os candados de chave tiñan que coñecer e investigar sobre Rosalía de Castro, e para abrir os candados de combinación debían poñer a proba os coñecementos matemáticos adquiridos durante este curso.

Na busca do tesouro de Pascua!

Xov, 28/03/2024 - 12:25 — miguelbg

Fotos do último día do trimestre, no que todo o alumando participou nunha busca do tesouro. En cada clase, tiveron que resolver un enigma que os levaría a un quebracabezas agochado polo cole adiante. Unha vez atopado tiñan que completalo e obter un dos números, que xunto cos do resto de clases, abrirían o candado que pechaba a caixa do tesouro... 

Estreando invernadoiro (por fin!!)

Mér, 27/03/2024 - 22:25 — miguelbg

Fotos do invernadoiro por fin rematado, así como dos primeiros traballos realizados nel polo alumnado de 5º e 6º baixo a dirección da profe Bea.

Distribuir contido


by Dr. Radut