CEIP Plurilingüe Ramón Otero Pedrayo

Pinchando na imaxe podedes ver todas as fotos do que foi o Nadal no cole este ano.

Houbo exposición de fantásticas estrelas aportadas polas sempre creativas familias. E con esas estrelas elaboramos o mural de Nadal en torno á árbore de madeira que nos fabricou o profe Alberto. Na árbore había tarxetas elaboradas polo nenos e nenas replicando portadas de libros da nosa biblioteca, e ao pé da árbore agasallos co nome dos autores, vinculando así a decoración de Nadal co noso proxecto deste curso sobre escritoras e escritores de contos.

Tamén tivemos cinema de Nadal, e un minifestival presentado por Inés e Mateo de 5º curso, con actuacións de todos os cursos: todo o alumnado cantou unha canción navideña de Rosana baixo a batuta da profe Rebeca, houbo bailes preparados polas titoras e bailes preparados polo alumnado pola súa conta...

Incluso tomamos as uvas/gusanitos ao ritmo das badaladas como se fose fin de ano.

Agardamos disfrutedes das fotos e que teñades boas festas e moi feliz 2024!

Fabricamos neve e fixemos bonecos de neve en 1º curso.

Fotos da actividade PLANTANDO ÁRBORES CON PINCEIS, que ten un dobre sentido:

Por unha banda supón o peche do proxecto dos pintores do curso pasado, e pechámolo pintando no mural e en bolsas de tea); e por outra banda supón o comezo do novo proxecto deste curso que tratará sobre os escritores de contos, e o mural pintado recolle unha paisaxe de conto, e ten como protagonista a Naturizo, o noso ourizo máis querido e protagonista dunha serie de contos para os máis pequenos.

PLANTANDO ÁRBORES CON PINCEIS é un proxecto escolar pola sostenibilidade que une cultura e coidado do medioambiente a través da realización no centro de Murais Artísticos, Colaborativos e Ecolóxicos con pinturas fotocatalíticas anticontaminación, que absorben e depuran os contaminantes que hai no aire, coma os óxidos de nitróxeno e outros gases nocivos da industria e do tráfico rodado. Unha iniciativa innovadora que ten como obxectivo achegar ao alumnado unha mensaxe positiva sobre o coidado da contorna, propoñendo alternativas de ocio que fomentan o respecto polo medio natural a través da arte, cunha metodoloxía participativa e colaborativa.

Clase de ximnasia rítmica para todo o alumando do cole!!