O pasado xoves 3 de marzo, disputouse no pavillón de Amoeiro o campionato comarcal de "Xogando ao atletismo" en categoría benxamín, coa participación do noso centro e 6 colexios máis.
Foi unha fermosa mañá deportiva onde as carreiras, os saltos e os lanzamentos serviron para que o alumnado disfrutase do atletismo adaptado á súa idade.
Últimas propostas de exercicio físico deste curso:
O pilates é similar ao ioga, pero máis activo, polo que cansa máis. É ideal se che gusta o ioga pero che parece demasido lento ou aburrido. Probade a facer algún dos vídeos seleccionados. Aínda que o ideal é facelo con alguén, tamén se pode facer de xeito individual perfectamente.
E lembrade que se vos animades, podedes enviar fotos ou vídeo a un destes correos: buxaina@gmail.commiguelbg@edu.xunta.es ou por whatsapp ao número: 683 25 26 76.
Para levar mellor esta corentena faise imprescindible algo de exercicio físico diario. Por iso ofrecemos recopilacións de vídeos con exercicios e bailes para facer os nenos sós ou en familia:
Nova xornada deportiva no Puzo do Lago, con moi boa actuación dos nosos atletas, cunha medalla de Mario e varios clasificados para o compionato provincial. Parabéns a todos eles.
Hoxe luns celebramos o Día do hóckey cunhas clases maxistrais de Yaseen, ex-xogador profesional, olímpico en Barcelona'92 coa selección nacional de Pakistán, e actualmente entrenador do Clube de hóckey Cidade de Ourense.
De 1º a 6º de primaria, aprendimos os fundamentos básicos deste deporte e divertímonos moito!
Actividades para celebrar a semana e o Día Europeo do Deporte Escolar:
Coreografía do tema "O esqueleto" do grupo Migallas. de luns a venres pola mañá, antes de entrar a clase, nas filas, todos (de infantil a sexto) bailamos un tema que anima a moverse. Así, varias alumnas de sexto curso colócanse unha diante de cada fila para dirixir a coreografía previamente aprendida na clase de Ed. Física e elaborada polos propios alumnos.
Olimpiada tradicional: o venres 27, para celebrar o Día europeo do deporte, levamos a cabo unha serie de xogos tradicionais.
Baile de todo o colexio no patio. Como colofón desta semana deportiva, ao rematar a olimpiada tradicional, alumnado e profesorado bailamos ao ritmo da canción do esqueleto practicada durante toda a semana.
Sesión de fotos cos cartaces e os hashtag/etiquetas/cancelos alusivos a este día, e que foron elaborados durante as clases de plástica.
Aquí as fotos da Olimpiada Tradicional do día 27 e da sesión de fotos final cos hashtag correspondentes. (Picade na imaxe para ver as fotos. Máis abaixo tedes un vídeo resumo e ao final un vídeo da coreografía).
O pasado mércores 16 de xaneiro disputouse a final comarcal de campo a través, cun novo éxito de participación e con destacadas actuacións das nosas atletas.
Así, ademáis das medallas obtidas por Paula e Marta, o equipo alevín feminino (4º e 5º de primaria), quedou campión comarcal e clasifícase para o campionato provincial.
Tamén Pablo Díaz e Cíes Valentín clasificáronse individualmente para o provincial ao meterse entre os oito primeiros clasificados da súa categoría.
Parabéns a todos eles!!
O álbum de fotos está dispoñible picando na imaxe.
Durante o mes de decembro, o alumnado de 4º, 5º e 6º de primaria puido disfrutar de dúas xornadas de xogos tradicionais, nas que este ano se abordou o mundo dos xogos tradicionais de mesa, com por exemplo, o muíño.
O mércores 25 de marzo tivo lugar o Torneo anual de minibalonmán alevín no polideportivo Paco Chao do Carballiño. Participaron un total de 7 equipos de centros da comarca do Arenteiro, conseguindo o noso colexio un meritorio 4º posto, ademais dun comportamento e actitude estupenda, coma sempre. Parabéns a todos os participantes. Pinchade na imaxe para ver as fotos.
Hoxe mércores, 7 de marzo, o noso colexio participou con outros 5 centros da comarca no campionato comarcal de bádminton alevín, no que o pasaron moi ben, competiron con deportividade e aínda por enriba, Saray Carneiro conseguiu medalla ao quedar 3ª clasificada comarcal. Parabéns a todos os participantes.
