novas

PLANTACIÓN DOS TERCEIROS

Curso 22-23

Hai unhas semanas os terceiros fixeron sementeiros de chícharos, cenorias, perexil, espinacas e canónigos.

Xa era hora de pasalos para a horta. Divertíronse moito preparando a terra e facendo os buratos para os chícharos. Agora tócalle coidalos para obter unha boa colleita. 

2ºA Planta Fabas e Amorodos.

O pasado venres, día 3 de marzo de 2023, o alumnado de 2ºA de Educación Primaria, sacou para a horta as fabas que xa creceran no interior da escola. Tamén aproveitaron para poñer unhas plantas de amorodos. Aquí vos damos conta do ben que o fixeron.

A Milla Escolar.

Actividade Física no entorno natural da escola.

Venres 3 de marzo de 2023.O pasado venres, 3 de marzo de 2023, inauguramos no entorno natural da nosa escola, "A Milla Escolar".

 Un percorrido que percorremos por clase e que trataremos de facer a diario, sempre que o tempo nolo permita. Trataremos de percorrer moitas millas para ter unha vida saudable. Nesta primeira xornada cada nivel fixo as súas delicias, incluidos os profes. Noraboa pola vosa participación.

INFANTIL PLANTA ACELGAS E ESPINACAS

Curso 22-23

Os nenos e nenas de 5 anos plantaron espinacas e acelgas en envases de iogures, o pasado xoves 2 de marzo de 2023 .

Seguimos reciclando e reutilizando, temos que coidar o planeta entre todos e darlle unha segunda oportunidade aos obxectos.

Agora toca esperar a que crezan para facer deliciosas receitas con elas.

2ºB Planta tirabeques e chícharos.

O pasado mércores, día 1 de marzo de 2023, o alumnado de 2ºB de Educación Primaria, sacou para o horta, os tirabeques e chícharos que xa creceran no interior da escola. Tamén aproveitaron para regar as plantas da horta. Aquí vos damos conta do ben que o fixeron.

O alumnado de 4º pasa á

horta as súas plantas.

O alumnado de 4ºB e 4ºA sairon á horta o venres 24 de febreiro a poñer as súas plantas de fabas, xirasois, chícharos e tirabeques que medran no interior. Xa están o suficiente grandes para que medren na horta e recoller boa colleita.

Día de Rosalía.

23 de febreiro de 2023.

Sementando Pensamentos.

Con motivo da conmemoración do día de Rosalía de Castro o Equipo de Normalización Lingüística do centro organizou unha actividade no ámbito Naturaliza-T.

O alumnado do centro escribou poemas, frases en pensamentos que despois decorarian o mural de Rosalía.

Aproveitando este momento cada clase plantou o seu pensamento para a compañar o seu mural e que o día de Rosalía coas súas palabras e pensamentos na lingua nai, fose un día máis natural e de respeto ao medio ambiente.

Excelente traballo do Equipo de Normalización do centro e de todo o alumnado.

Medran os xirasois, os tirabeques,

os chícharos e as fabas do alumnado de 4º.

Durante o mes de febreiro foron nacendo as plantas que o alumnado de 4º sementou en botes de reciclaxe. Apareceron as plantiñas de xirasois, tirabeques, chícharos e fabas e case están listas para levar á horta.

ESPAZO VOZ NATURA

Curso 22-23

Varios cursos saímos a recolectar folliñas secas para o composteiro e para decorar o noso espazo de Voz Natura. 

Agora temos un recuncho no cole para poder tocar, cheirar, ver e incluso degustar algúns alimentos.

SEMILLEIROS

Curso 22-23

Os terceiros xa plantaron as súas sementes. Fixeron semilleiros de  cenorias, canónigos, leitugas, espinacas, chícharos.

Teñen pensado facer unhas estupendas receitas con todos estes alimentos. Aínda que primeiro, terán que transplantalos á horta.

Medran as sementes de  4º no interior do colexio.

O día, 23 de febreiro o alumnado de 4º comprobou que as súas plantas están o suficiente grandes para sacalas para a horta. Nuns días temos que facer transplante. Que ben cos coidados de este alumnado.

COMPOSTEIRO

Curso 22-23

O noso composteiro está a funcionar perfectamente grazas ás patrullas ecolóxicas dos alumnos e alumnas de 4º e 5º de primaria.

Hai unhas semanas estivo a mestra composteira do concello de visita para comprobar qué tal iba o noso compost, e a nosa sorpresa foi inmensa ao saber que estando a 4º a temperatura ambiental, o compost estaba a 35º.

O proceso fano todo eles mesmos. Todo o alumnado do colexio leva os restos orgánicos aos puntos de recollida, as ecopatrullas levano dos puntos de recollida ao composteiro e comproban que non teñan restos doutros materiais que poidesen ser perxudiciais para a vida dos bichiños que elaboran o compost. Bótanlle estructurante ( follas secas) e tres días á semana remexen co aireador.

Dende aquí queremos agradecerlle a súa labor. Con este compost teremos unhas colleitas moi saudables.

Moitas grazas a todo o alumnado!!!

CAMPIONATO PROVINCIAL  DE CAMPO A TRAVÉS.

Parque de Castrelos ( Vigo)

12/02/23

 O pasado, domingo 12 de febreiro de 2023, levouse a cabo o Campionato Provincial de Campo a Través da presente campaña escolar de Campo a Través, no circuíto do Parque de Castrelos en Vigo. Un espazo natural dentro de Vigo, cunha riqueza vexetal e paisaxística incrible.

O CEIP Nº2 participou na proba co equipo Alevín Feminino ( alumnas de 4º e 5º), co equipo Alevín Masculino ( alumnos de 4º e 5º), co equipo Benxamín Feminino ( alumnas de 2º e 3º) e co equipo Benxamín Masculino ( alumnos de 2º e 3º). 

Moitísimas grazas a todas as familias que hoxe estiveron en Castrelos, pola súa axuda e polo seu apoio a estes grandes atletas. Noraboa a todos os participantes, especialmente aos do CEIP Nº2 de Tui e Agrudebam que representaron ao Baixo Miño, nunha proba onde estaban os mellores corredores de toda a provincia de Pontevedra.

Aloia Kids Trail 23.

Sábado, 11 de febreiro de 2023 ás 16:30h.

O pasado sábado, 11 de febreiro de 2022, as 16:30h, tivo lugar a Aloia Kids Trail, unha proba de correr, gozando do entorno do Parque Natural do Monte Aloia en Tui, nas instalacións deportivas da Amacoca. As Categorías foron: BABY POWER: de 5 a 8 años / BABY ROCKET: de 9 a 11 anos/ BABY WARRIORS: de 12 a 14 anos. Alí estiveron 80 corredores do noso colexio coa profe Lore e as súas familias. Gozaron da natureza, fixeron deporte e pasárono xenial. 

Deporte no 2 apoiando sempre iniciativas locais na natureza, de hábitos de vida saudables e felices. Noraboa a tod@s participantes e moitas grazas a todas as familias.

Cenorias, leitugas, cabaciño e fabas

plantados polo alumnado de 2º.

O alumnado de 2º, plantou hoxe venres día 10 de febreiro de 2023, un sementeiros en botes reutilizados. Coma na clase están catro equipos e cada un ten nome de froitas, acordaron plantar a semente co seu nome do equipo. Así o equipo cabaciño plantou cabaciño, o equipo cenorias plantou a semente laranxa, o equipo leituga plantou...

Agora a coidalos moi ben, para que medren as plantiñas e poder levalas a nosa horta. Gran traballo rapaces!.