novas

 PROXECTO DO MAR EN INFANTIL

Curso 22-23

En infantil estamos cun proxecto mediombiental e multidisciplinar. Convertéronse  en buzos e investigaron o mar, as  súas riquezas e os perigos que o ameazan.

Comezamos partindo dun centro de interese moi común nos máis cativos, os animais, neste caso, os peixes.

Trouxeron sardiñas e buscaron o seu esqueleto, a espiña. Traballaron o calamar, onde viven e que comen. Tamén coñeceron, tocaron e uliron un polbo de cerca,contaron as súas patas.

Finalmente o polbo Lolo acabou na cazola. Aprenderon como se cociña e botáronlle sal e pemento doce. Chegou o momento de degustar este manxar galego, aínda que non todos se animaron.

AFORRO ENERXÉTICO

Iniciamos unha actividade para o aforro enerxético. Cada vez que saímos das aulas, ao recreo, ao ximnasio… temos que deixar as luces apagadas.

Deste xeito promovemos os ODS, sobre todo o obxectivo 12  "Produción e consumo responsable".

SAÍDA ILLA DE SAN SIMÓN

(Curso 22-23)

O pasado martes 13 de xuño os terceiros foron de excursión á illa de San Simón con parada no museo Meirande. No museo comezamos cun vídeo que nos contaba como sucedeu a batalla de Rande no ano 1702 e que tivo unha duración de día e medio. Tamén nos ensinaron como evolucionou o traxe de buzo e puidemos ver as maquetas dos barcos que libraron a batalla.

Xa na illa descubriron todos os seus segredos e realizaron unha xincana por equipos moi divertida. Tamén vos animamos a descubrir a lenda sobre a dragoa Coca, unha lenda que non nos deixou indiferentes.

Á volta disfrutaron dunhas fermosas vistas da ría de Vigo na cuberta do barco, toda a viaxe estivo amenizada con música.

Unha saída emocionante!

Visita a granxa Corazón de Carballo en Tomiño.

1º e 2º Educación Primaria.

 Xuño de 2023

O alumnado de 1º e 2º de Educación visitaron como fin de proxecto Naturaliza-T, a granxa escola Corazón de Carballo en Tomiño.

Alí tiveron contacto coa horta e viron o proceso de elaboración do queixo, dende o leite de cabra ata a súa comercialización. Unha fantástica experiencia para fomentar vida sá e saudable.

As árbores do patio ensinan os seus froitos.

Coa chegada de mellores temperaturas no mes de xuño de 2023, as  árbores que plantamos no patio no mes de xaneiro do ano 2022, xa teñen os seus primeiros froitos. Están ben fermosas cos coidados do alumnado do noso cole. Este ano temos a proba dos mirabeis e paraguaios.

Tui en Ruta 23.

O C.E.I.P. Nº2 de Tui en coordinación co equipo de Deporte no 2 e o Concello de Tui,  organizou 2 xornadas de “Actividades na Natureza”, nas inmediacións do Centro educativo e do Río Miño.

Dita actividade estivo destinada os/as 50 alumnos/as de 5º de Educación Primaria do noso centro educativo.

A actividade tivo lugar o luns 19 e martes 20 de xuño de 2023.

As xornadas pretenden ter un carácter lúdico-cultural-deportivo a vez que achegan ao noso alumnado, ao seu entorno natural máis próximo como é o Río Miño. Para iso propuxemos dúas xornadas:

1ª Xornada: O día 19 de xuño, estaba prevista unha Marcha Ciclista, polo sendeiro Tui-Caldelas, co disfrute do Balneario de Caldelas, toma de contacto co Kayak-polo, Slalom e Ciclismo, debido as condicións metereolóxicas adversas, tivemos que modificar a actividade. Durante o día fixemos actividades deportivas no centro, pola tarde tivemos ruta en bicicleta ata a praia de Guillarei e finalizamos coa visita de Gustavo Rodríguez e David Fernández, dous antigos alumnos da escola e dous referentes no mundo do ciclismo a nivel mundial.

2ª Xornada: O día 20 de Xuño  levaríamos a cabo unha xornada de piraguismo.

Grazas ao Concello de Tui, á policía Local de Tui, a Consellería de Medio Ambiente, ao Balneario de Caldelas, ao Club Penedo de Caldelas, ao Club de piragüismo Kayak Tudense  e as distintas entidades  que fixeron posible que dita actividade se levara a cabo. Moitas grazas a toda a Comunidade Educativa.

Aloiada 23

O C.E.I.P. Nº2,  o C.E.I.P. Nº1,  o C.E.I.P de Pazos de Reis de Tui, de C.E.I.P. Rebordáns, C.E.I.P. Guillarei e C.E.I.P. de Caldelas, en coordinación dos seus departamentos de Educación Física, o Concello de Tui e as dirección dos centros educativos, organizaron 2 xornadas de “Actividades na Natureza”, nas inmediacións do Parque Natural do Monte Aloia.

Dita actividade estivo destinada os/as 120 alumnos/as de 6º de Educación Primaria dos centros educativos do Concello de Tui.

En coordinación co Concello de Tui, cos responsables do Parque Natural e coa colaboración da Federación Galega de Montañismo e cos responsables dos clubes deportivos colaboradores, as datas nas que tivo lugar dita actividade foron o xoves 15 e o venres 16 de Xuño de 2023.

As xornadas pretenden ter un carácter lúdico-cultural-deportivo, á vez que achegan ao noso alumnado ao seu entorno natural máis próximo, como é o Parque Natural do Monte Aloia. Para iso os nenos/as disfrutaron de dúas xornadas:

1ª Xornada: O día 15 de Xuño levouse a cabo unha Xornada de Iniciación a Escalada, Rappel, Orientación, Equitación e Primeiros Auxilios no Monte Galiñeiro. Coordinado coa Federación Galega de Montañismo.

2ª Xornada: O día 16 de Xuño  levouse a cabo unha Xornada de Sendeirismo onde descubrimos as distintas rutas e riquezas histórico-culturales e naturais do Parque Natural do Monte Aloia. E pola tarde remate cunha toma de contacto cos deportes de auga: Remo e Piragüísmo.

Dúas xornadas intensas de deportes de aventura onde todo o alumnado e profesorado de 6º gozamos do medio natural e da convivencia. Moitas gracias a todas as administracións, clubes, colexios, entidades públicas e privadas que fixeron posible que o noso alumnado poidera disfrutar un ano máis de esta bonita aventura. Grazas.

As  familias sacan as patacas

Hoxe mércores 14 de xuño de 2023 un equipo de familias, estiveron traballando arreo na horta da escola. Con aparellos de labranza, sacaron as boas patacas que medraron e que plantaran o alumnado de infantil. Moitísimas grazas a todas as familias polo seu esforzo e o seu tempo.

Ruta en Patinete 4º.

Mércores 14 de xuño de 2023

Hoxe, mércores 14 de xuño de 2023, levouse a cabo unha ruta en patinete para todo o alumnado de 4º. Consistiu nun paseo en patinete dende o colexio ata a praia de Guillarei e volta ao centro educativo, tendo lugar diversos talleres de Educación Vial, alimentación, ecoloxía, relaxación e reciclaxe.

Moitísimas grazas a todas as familias, ANPA do colexio, Concello de Tui, Policía Local, monitores dos distintos talleres (Hugo, Vanesa...), aos voluntarios (Alba, Omar e Cloe) e, por suposto, ás titoras de 4º e ao centro educativo. Grazas a todos o alumnado de 4º gozou dunha xornada espléndida.

O CEIP Nº2 no

O pasado 8, 9 e 10 de xuño de 2023 o alumnado de 3º do CEIP Nº2 de Tui, participou como centro invitado, no 3º Congreso Educativo EDUCODS 2030 organizado polo CEIP Nº1 de Tui. Actividades de aliméntación saudable, reciclaxe, coidado do planeta, consumo responsable... Unha fantástica iniciativa do CEIP Nº1 de Tui, que movilizou a moitos colexios, concello e entorno. Noraboa!

Aliméntate ben.

Comida de Marrocos

2º Primaria

O pasado martes 7 de xuño de 2023, o alumnado de 2º de primaria do noso centro, gozou dunha xornada de comidas de Marrocos, grazas as familias do alumnado destas clases. 

Té e pan de marrocos fixeron as delicias de nenos e nenas. Unha forma de unir culturas, establecer lazos de convivencia e expresar emocións co gusto.

Excursión Acuario do Grove.

6-Xuño-2023

Educación Infantil.

O alumnado de Educación Infantil realizou o día 6 de xuño de 2023, unha visita ao acuario do Grove, como visita final do proxecto do mar, levado a cabo na escola. Alí viron os peixes, as súas especies e fixeron moitos xogos divertidos.

Tamén tivemos oportunidade de ir ver o mar e ter contacto coa area. Pasárono moi ben.