novas

Camiño de Santiago Saudable, Deportivo e Escolar

Luns 5 de xuño de 2023.

 O pasado luns día 5 de xuño de 2023 tivo lugar a ruta do Camiño de Santiago Saudable, Deportivo e Escolar, para todo o alumnado de 3º. Levouse a cabo en horario de 9:15 a 14:10h. Consistiu nun paseo con probas  dende o colexio pola cidade de Tui e volta ao centro educativo, tendo lugar diversas probas e xogos do Camiño de Santiago durante a actividade.

Unha xornada onde o alumnado coñeceu patrimonio, experimentou sensacións e investigou sobre o Camiño.

Ruta do Río Lagartón

Martes 30 de maio 2023.

 O pasado, martes día 30 de xuño de 2023  tivo lugar a ruta do Río Lagartón, para todo o alumnado de 2º. Tivo lugar en horario de 9:15 a 14:15h. Consistiu nun paseo,  dende o colexio polo Camiño de Santiago, Veiga do Louro, Río Lagartón e volta ao centro educativo, tendo lugar diversas probas e xogos durante a actividade.

Unha fantástica xornada onde todo o alumnado gozou das propostas, da natureza, das árbores, prantas e alimentación saudable, facendo unha boa xestión dos residuos. 

Moitas grazas a Raquel, Noelia, Nick, Paula e Elena, grazas a eles todo foi máis doado.

VIII Triatlón Tui-Porriño.

Sábado 27 de maio de 2023

Marina de Tui

O pasado sábado día 27 de xuño de 2023  tivo lugar o VIII Triatlón Tui-Porriño, a proba de natación e a transición ás bicicletas tivo lugar nas inmediacións da Marina e o Club San Telmo, a partires das 16:30h.

Dende o equipo de Deporte Escolar do Ceip Nº2 de Tui estivemos participando na proba de apoio como voluntarios. O alumnado de 6º foi o encargado de recoller a transición, un traballo importante.

Tivemos oportunidade de fotografiarnos co gran triatleta Javier Gómez Noya padriño da proba e gañador dunha prata nas olimpiadas de Londres 2012 e varios campionatos do mundo e de Europa. Grazas a todo o equipo de alumn@s voluntarios.

SUPERMERCADO SOSTIBLE

No centro creouse un supermercado no que se investiga sobre a alimentación saudable e non saudable, produtos procesados, as súas etiquetas  e compoñentes e  diferentes tipos de envases.

De xeito multidisciplinar o alumnado traballa na área de lingua galega e castelá cos nomes dos produtos, elaboración de receitas e a listaxe de alimentos que precisan mercar para elaboralas.

Na competencia matemática trabállase todo o relacionado con prezos, diñeiro, devolucións, sumas, restas, cálculo mental, numeración, etc.

No área de inglés traballan vocabulario básico dos produtos que se atopan no supermercado.

No área de educación física trabállase educación saudable e cales dos produtos son axeitados para o almorzo, comida, merenda e cea.

Ti si que es un bo peixe.

O 18 e 19 de maio de 2023, tivemos na escola unha visita moi especial, viñeron os amigos de "ti si que es un bo peixe".

 Eles falaronnos da importancia que teñen o mar e as rías galegas, como base dunha alimentación equilibrada. Aprendemos os diferentes artes de pesca, e a variedade de peixes coa súa importancia en aporte enerxético.

Todo o alumnado gozamos coas súas actividades.

DEPORTE ESCOLAR.

Xornada de Atletismo en pista

 A Macoca ( Pazos de Reis)

Curso 22-23

Venres 19 de maio de 2023

 O pasado venres, día 19 de maio de 2019 teivo lugar nas instalación da A Macoca a xornada de Atletismo en pista para o alumnado de 5ºA e 5ºB.

Unha xornada na que participamos en lanzamento de vortex, lanzamento de peso, salto de lonxitude, carreira de 60m, carreira de 500m  e proba de relevos.

Atoparedes información sobre os resultados e máis fotos se pinchades aquí.

Letras Galegas 23

18 de maio 2023.

Consertassso de Brais das Hortas.

O pasado xoves 18 de maio de 2023, contamos na escola con Brais das Hortas, un consertassso na nosa horta, onde nos naturalizamos coas súas cancións adicadas a horta: Plantamos kiwis, fixemos compost, practicamos actividade físico-saudable co seu "Sachozumba", desbrozamos, sementamos, cos pes na terra.  Un superconsertasso que nos meteu o ritmo da horta no corpo.

Gracias Brais pola túa música.

BATIDO DE FRESAS DA NOSA ECOHORTA

Que ledicia ver que os esforzos dan o seu proveito. Os cativos de primeiro recolleron o pasado venres 12 maio a primeira colleita das fresas que plantaron. Con elas fixeron un batido de fresas e leite no eco-comedor que deixou un cheiro exquisito en todo o colexio. Puideron ver, tocar e cheirar as fresas e incluso puxeron en xogo o sentido do oído co son do batedor.

RESTAURANTE TAPERÍA “LA DE MANU”

Os cativos de 2º tiveron a sorte de ser convidados por Manu Garrido ao seu restaurante “La de Manu”, un exemplo a seguir na nosa zona, tanto no persoal coma no laboral. Manu aparte de ser o dono dun dos restaurantes máis visitados da zona de Tui, proclamouse o ano pasado campión do mundo de piragüismo na modalidade maratón en C1 en Ponte de Lima.

Ninguén mellor ca el, coma bo deportista de élite, para contarnos de primeira man os segredos dunha alimentación saudable, premisa que leva a cabo no seu restaurante cada día.

O alumnado de 2º, despois de montar o seu supermercado, no que investigaron e traballaron sobre todo o relacionado coa boa alimentación, culminaron o seu proxecto cunha clase maxistral impartida por Manu Garrido e cunha receita deliciosa que degustaron todos xuntos.

MERCADILLO DE INFANTIL CINTAS DE CORES

CURSO 22-23

Os alumnxs e familias de infantil están a facer unha grande labor na horta. Sementaron leitugas e outros productos para vender no seu mercadillo "Cintas de cores2. 

Todo o que recaudan é para a excursión de fin de curso de infantil. 

Con esta actividade os cativxs aprenden de xeito moi práctico como se sementa, rega, coida e recollen as colleitas para logo vendelas no mercado. Aprenden a saber de onde veñen e o traballo que da que medren en bo estado sen pragas.

Agora toca preparar auga con vinagre para fumigar as fabas.

Moitas grazas a todas as familias que colaboran nesta actividade.

RECREOS RESIDUOS 0

Curso 22-23

Dentro do proxecto Naturalíza-T arrancamos no terceiro trimestre coa iniciativa " Recreos residuos 0", unha idea de @teachersforfuturespain que nos pareceu moi interesante e  decidimos unirnos a ela.

Os alumnos de 4º fixeron de ponentes por todas ás aulas explicando esta nova iniciativa e motivando aos alumnos a traer merendas saudables que non xeneren resíduos.

Comezamos facendo unha recollida de lixo no patio para comezar con éxito esta nova actividade, que busca reducir os resíduos, ademáis de fomentar hábitos de vida saudable nas nosas familias, en definitiva, coidar o planeta.

Viaxando polo país das emocións

Alumnado de 1º

O ALUMNADO DE 1º viaxou polo país das emocións. Contouse o conto da empatía sobre a conciencia emocional...

Realizaronse actividades como a caixa da calma, ginkama das emocións...

Actividades  fundamentais para un grupo moi activos, que continuamente demandaba, baixar a intensidade e volver a calma. Tamén se centrou o traballo na resolución de conflictos.

AGASALLO PARA OS AFILLADOS

Curso 22-23

Antes de marchar de vacacións de Pascua, os nenxs de 3ºP fixeron un coello con  ovos de chocolate, feito con materiais reciclados ( botellas de plástico). 

Leváronllos aos seus afillados de 4 anos. Eles tamén tiñan unha sorpresa preparada para os seus padriños, uns regaliños de chocolate.

Pasárono xenial!!

O alumnado de 5º planta

chícharos, tirabeques, leitugas,
 
cabaciños e cánones.

O alumnado de 5º de Educación Primaria,sacou para a horta o martes 30 de marzo de 2023, todo o plantado de sementes: chícharos, tirabeques, leitugas, cabaciños e cánones, que medrou dentro do colexio. Agora teremos  que coidalas para colleitar boa colleita.

Plantación do alumnado de 5ºA.

Arxóns para as fabas de 4º

O pasado venres, día 24 de marzo de 2023, o alumnado de 3ºA estivo na horta, poñendo arxóns para as fabas, así medrarán dereitas e poderemos ter boa colleita.

Un fantástico traballo en equipo, que xa comezaran as familias e que rematou este grupo de 3º. Gran traballo de tod@s!