Histórico

Noa de 4ºC Fabrica Un Xoguete Tradicional

     A alumna Noa de 4ºC compartiu na última sesión de Educación Física un dos seus xoguetes preferidos, cos seus compañeiros de clase. Xunto ao seu pai e ao seu irmá Yeray fabricou un arco, as súas frechas e o bolso para gardalas. Aquí vos deixamos as fotos de este xoguete como idea para fabricar o voso.

     As alumnas de 5º do Ceip Nº2 de Tui, Alba, Sofia e María, e membros do Club Ribex de Tui de Patinaxe, móstrannos as súas medallas conseguidas no Torneo de Nadal 2013 de Patinaxe, celebrado en Tui, este Nadal.

    Noraboa patinadoras!!.

Máis Retranca TVG
A alumna do Ceip Nº2 de Tui Carla Martínez de 4ºB, ven de participar na grabación do programa da TVG “ Máis Retranca”, presentado e dirixido por Toñito de Poi.
Dita grabación tivo lugar en Tui o pasado domingo día 9 de febreiro.
Carla participou con outros monologuistas, contando contos, sendo a única nena dos concursantes. Así mesmo, obtivo un galardón participativo como podedes ver nas seguintes fotos. Dita grabación será emitida pola TVG a finais de febreiro. Toda unha experiencia para esta alumna, que disfruta moito contando chistes e contos. Aquí podedes ver as fotos da grabación e do momento no que compartiu o seu premio cos seus compañeiros de clase.

O Club de patinaxe Ribex de Tui, proclamouse a pasada fin de semana do día 2 de febreiro Subcampión galego, no Campionato galego de patinaxe, que se levou a cabo, no estadio Fontes do Sar de Santiago de Compostela.
Este club formado por antigas alumnas do Ceip Nº2 de Tui, presentou neste certame, o Show Xogamos co que conseguiu ser segundo. Esta clasificación permitelle ao equipo da nosa cidade estar presente no vindeiro Campionato de España que terá lugar o fin de semana do 2 de Marzo, novamente en Santiago. Parabéns para o equipo, e sorte no vindeiro Campionato.

A Atleta tudense Leticia Fdez, ven de proclamarse subcampeona de España, na localidade de Antequera, na proba de atletismo de 1500 m na categoría promesa feminina.
A atleta tudense do Club Ría de Ferrol participou a pasada fin de semana do 1 e 2 de febreiro no campeonato galego de pista cuberta na modalidade de 800m na que se proclamou campeona galega.
Esta fin de semana 8 e 9 de Febreiro desprazouse ata Antequera onde disputaría o campeonato de España, pero esta vez na modalidade de 1500m, proclamandose Subcampiona nacional. Noraboa Leticia!

http://www.goear.com/listen/70b3c1b/programa-34-leticia-fernandez-escoita-deporte-rmt

A Tudense Leticia Fernández Campiona no Campeonato Galego de pista Cuberta.

A Atleta tudense Leticia Fernández proclamouse este fin de semana Campeona Galega na categoría absoluta feminina, do Campeonato galego de pista Cuberta, na modalidade de 800 metros.
A consecución desta medalla de ouro, para unha das mellores atletas tudenses da máxima categoría absoluta, supón un novo éxito para esta gran deportista que a base, de esforzó e sacrificio segue mellorando as súas marcas persoais.
Podedes escoitar a súa entrevista no seguinte enlace:
http://www.goear.com/listen/88b7a4e/programa-32-leticia-fernadez-escoita-deporte-rmt
Noraboa!!.

     O equipo alevín do Club balonmán Tui, no que xogan varios nenos/as do Ceip nº2 de Tui: Adrián, Saúl, Iago, Xabi, Diego.l. remata a primeira fase da liga galega nos primeiros postos da táboa e clasificase para xogar a seguinte fase.

     Aquí podedes ver algunhas das súas fotos dos mellores partidos. Noraboa!