Preme encima para acceder ás imaxes

Preme encima para acceder á Galería.

Hoxe, 8 de marzo, celebramos no centro o Día Internacional da Muller. Para iso, este curso quixemos crear unha composición grupal no Salón de Actos baixo o lema "As mulleres na historia de Forcarei". A idea é visibilizar as nosas mulleres e o papel que xogan e xogaron nas nosas vidas.

A veces, afastámonos buscando referentes importantes, cando estamos rodeados de grandes mulleres loitadoras, intelixentes e cheas de afouteza. Este curso non as queremos deixar de lado. Así que se vos fixades ben na nosa galería poderedes atopar nomes e apelidos e tamén o valor ou oficio/s que cada alumno ou alumna lle concede a esa persoa.

Imaxes da saída

O venres 10 de febreiro o alumnado de 5º e 6º EP desprazouse a Santiago de Compostela para participar do programa "Coñece as túas institucións" co obxectivo de visitar a sede do poder lexislativo e executivo de Galicia. 

Deporte Escolar. Campo de fútbol municipal de Forcarei. (19/05/22)

Preme encima da imaxe para acceder á galería.

Despois de case dous anos sen competicións deportivas, o noso alumnado de 3º, 4º, 5º e 6º de educación primaria desfrutou dunha xornada de deporte escolar cos compañeiros e compañeiras do CEIP de Soutelo. Empregouse o pavillón municipal para disputar os partidos mixtos de balonmán, fútbol sala e baloncesto. Despois trasladáronse ao campo municipal de fútbol de Forcarei, instalación que gustousamente cedeu o concello, na cal puideron compartir partidos amigables entre o alumnado de ambos centros educativos. 

Unha boa mañá, na cal se fomentou o gusto polo deporte e se permitiu que o alumnado de 6º de primaria puidera coñecer aos seus futuros colegas do IES Chano piñeiro. 

Hoxe, venres 13 de maio, festexamos as Letras Galegas subindo ata a Praza do concello de Forcarei. Baixo o lema "Forcarei coas letras" preparamos, dende o Equipo de dinamización da lingua galega e o de biblioteca, un humilde acto no cal se pretendía dar a coñecer entre a comunidade a figura de Florencio Delgado Gurriarán. 

Para tal ocasión, contamos cos nosos axudantes de primaria, tanto para a presentación como para o recitado de distintos versos. "A Salve", "A Caldeira", "Cousas do outono", "Andan os paxaros" ou "Ti cantar, cantache" foron algúns dos poemas que se leron neste acto conmemorativo, onde estivemos acompañados de todas as familias  e outros membros da comunidade que quixeron achegarse ata a Praza do concello para compartir este momento connosco. 

De agasallo levaron para as súas casas un marcapáxinas e o poema "Aí vén o maio" (adaptación musical de Nacho Hermida do CEIP Julio Gurriarán do Barco de Valdeorras).