2º Premio na categoría infantil-Ouff Escola 2018 no marco do Festival Internacional de Cine de Ourense
Enviado por Anónimo o Lun, 03/12/2018 - 15:57 
Unha representación (mestres e alumnos/as) do CEIP Nosa Señora das Dores acudiu ao Auditorio Municipal de Ourense para a Gala de premios de Ouff Escola 2018 no marco do IX Certame de Cine de Ourense, que se celebra durante o mes de decembro en Ourense. Durante este acto puidemos coñecer os gañadores. A nosa curta, gañou 2º PREMIO NA CATEGORÍA INFANTIL E PRIMARIA.
O Colexio presentou ao certame a curta co nome O Conto da Muiñeira, adaptación do texto do mesmo conto de Paulo Nogueira e Magoia Bodega, realizado durante o curso escolar 2017-2018, e no cal se implicou toda a comunidade. Esta curta é o resumo dun fermoso PDI desenvolto no centro arredor da música e da figura de Avelino Cachafeiro, personaxe de gran sona en Terra de Montes.
Este certamen de Cine OUFF Escola nace co obxectivo de impulsar o idioma galego entre a xuventude, coñecer a visión desta sobre o seu contorno sociocultural e fomentar a creatividade audiovisual e o traballo en equipo, nunha linguaxe atractiva para o alumnado, que contribúe a xerar un espírito crítico. Este certamen pretende, ademáis, potenciar o uso das tecnoloxías da información e da comunicación nos centros de educación e crear un espacio de referencia para a mostra do audiovisual feito nas aulas. Esta iniciativa enmárcase como ferramienta dentro da Directiva Europea de Alfabetización Mediática, que procura dar formación á xuventude sobre o coñecemento e avaliación do audiovisual.
Aquí vos deixamos unha instantánea desa mañá.
»
