O Concello de Forcarei, a través dos Servizos Sociais, informaron ao noso centro sobre a apertura do procedemento de concesión de axudas municipais de apoio ao estudo para este curso 2020/2021. Entre as novidades están as seguintes:

• Inclúese a posibilidade de adquirir material informático, artigos de loita contra o covid-19, ademais de libros e roupa para o colexio, preferentemente en establecementos do termo municipal 

• Entre as novidades introducidas nas bases da convocatoria destas Axudas Municipais de Apoio ao Estudo para o curso 2020/2021 inclúense novos conceptos de gasto como material informático (impresoras, tablets, memorias USB, etc.) ou artigos de prevención sanitaria e hixiene contra o covid-19 como máscaras ou xel hidroalcohólico. Ademais, poderán destinarse tamén á compra de material escolar, libros (excluíndo os de texto que sexan subvencionados ou cedidos por outras administracións) e materiais básicos (mandilón, chándal, calzado, zapatillas de deporte, mochila, frauta, etc.).

• O pago das axudas non se efectuará directamente aos beneficiarios, senón aos establecementos subministradores. Estes negocios deberán estar situados preferentemente no termo municipal do concello de Forcarei, fomentando deste xeito tamén o comercio local. O abono realizarase ao establecemento seguindo o réxime xeral de tramitación de facturas. A efectos de xustificación, as alumnas e alumnos beneficiarios presentarán un ‘vale’ outorgado previamente pola Administración local, que deberá ser selado polos establecementos nos que efectúen as compras. As familias poderán presentar este vale selado para xustificar a axuda concedida ata o 12 de novembro de 2020. Os establecementos provedores, pola súa banda, deberán emitir as facturas a nome do Concello de Forcarei antes do 20 de novembro.

• As contías das axudas a conceder poderán constituír o cen por cento do custe total. O importe máximo para o curso 2020/2021 das Axudas para a adquisición de material básico, escolar, libros, equipamento informático e material de prevención sanitaria e hixiene para estudantes de Educación Infantil, Primaria e Secundaria será dun máximo de 150 euros por alumno/a.

   

  

  Engadimos as bases reguladoras deste procedenemento como arquivo adxunto.