5º Educación Infantil

Este venres os nenos de 5º de Educación Infantil celebramos un obradoiro no que experimentamos coa cor azul para así entender mellor coma Pablo Ruiz Picasso podía facer empregando unha soa cor cadros tan impresionantes coma "O guitarrista cego", "A traxedia"... 

Empregando soamente tres cores (azul, blanco e negro) conseguimos 8 tonalidades diferentes de azul. Coas cores que nos mesmos creamos confecionamos a nosa propia paleta de cores. 

Preme na paleta para ver o ben que o pasamos en 5º EI B.

Hoxe os nenos e nenas de 5º de E.I. B visitamos a bibliotenda. O esforzo de todas estas semanas aforrando os biblioeuros gañados tivo recompensa!

Os nenos e nenas de 5º de infantil fixemos un obradoiro sobre o noso proxecto das abellas, cociñamos galletas de mel. Contamos os ingredientes que necesitamos, e seguimos a receita. Pesamos a fariña e a manteiga, mesturamos os ovos e engadimos a manteiga, fariña, azucre e mel, remexemos e facemos boliñas e ó forno. Mentres esperamos ó cociñado, completamos a ficha da receita para levar a casa e cando saen do forno, que arrecendo máis delicioso!, levamos galletas de postre para despois de comer e que proben as familias. Preme na imaxe para ver o video.

Os nenos e nenas de 5º A de infantil estivemos a traballar a prensa na aula, miramos o Faro de Vigo, buscamos a noticia que máis nos chamou a atención , recortámola e fixemos o noso mural.

Os nenos e nenas de 5º de Educación Infantil tiveron a sorte de participar na actividade "Todos e todas contamos" levada a cabo por Igualarte. Desfrutaron dun contacontos sobre a familia e un obradoiro no que realizaron de xeito cooperativo uns móbiles que agora decoran as súas aulas. 

GRACIAS IGUALARTE!