Gale e Gala presentan as tres actividades centrais do terceiro trimestre en relación coa dinamización do  Galego: Xogos Florais, Letras Galegas e Revista Xeada. O alumnado de sexto, aproveita esta ocasión, para despedirse dos compañeiros e compañeiras do colexio.

O Equipo de Dinamización da Lingua Galega, felicita aos nenos e ás nenas de Sexto de Primaria polo seu labor no equipo de Gale e Gala, do que todo o grupo formou parte. Bo traballo!!

Premer na imaxe para ver a información tan interesante que nos trae este grupiño.

A partires do 30 de abril e ata o 13 de setembro de 2024 estará aberto o prazo de presentación de solicitudes das Becas e Axudas para Alumnado con Necesidades Específicas de Apoio Educativo correspondentes ao curso 2024- 2025.

Podedes consultar o anuncio no seguinte enlace: AXUDAS NEAE CURSO 24-25

Rematado xa o proceso ordinario de admisión, comunicamos ás familias que TODAS as solicitudes presentadas neste prazo FORON ADMITIDAS no noso centro.

Asi como nos sexa posible xerar as listaxes provisionais volo comunicaremos e serán publicadas UNICAMENTE no taboleiro interior do centro, atendendo á lei de protección de datos. Tamén poderedes consultalas a través da aplicación admisionalumnado empregando a Chave365 ou certificado dixital.

O prazo para a FORMALIZACIÓN DE MATRÍCULA, será do 20 ao 30 de xuño, para o cal teredes toda a documentación precisa na nosa web.

Para calquera outra aclaración ou dúbida podedes contactar co centro vía telefónica ou por correo electrónico.

  O alumnado de Sexto realizou unha presentación para todo o alumnado de Primaria, sobre Os Choqueiros de A Coruña, do barrio de Monte Alto. Ao remate da presentación, leron uns Apropósitos, unhas coplas satíricas adaptadas á nosa realidade do colexio.

Premer na imaxe para ver esta presentación.