CEIP PLURILINGÜE POETA AVELINO DÍAZ |

DEBUXANDO UN MUNDO EN PAZ

Sáb, 30/01/2021 - 03:18 — ceippoetaavelinodiaz

(Preme enriba de cada imaxe do mural para ampliar e observar con maior precisión os diferentes traballos)

'Debuxando un mundo en paz', así é como titulamos o mural co que conmemoramos o Día da Ilustración e o Día Escolar da Non Violencia e a Paz.

Apoiándonos nas estampas e debuxos de Alfonso Daniel Rodríguez Castelao decatámonos do potencial que gardan os debuxos para transmitir as nosas ideas e sentimentos. Pero non só iso, pois as obras deste autor tamén nos fixeron ver de primeira man a necesidade de ter sempre presente na nosa vida diaria a empatía como un dos elementos fundamentais, entre moitos outros ingredientes, tal e como recollen algunhas das achegas dos diferentes grupos colaboradores na confección do mural.

Asemade, co desenvolvemento desta tarefa tamén percibimos que é preciso manter vivo un exercicio de crítica social, sempre dende o respecto e a tolerancia, co fin de progresar e construír unha sociedade que lle diga NON á violencia e SI á Paz.

QUERES SABER QUE FIXO XALÍN CON ESTES INGREDIENTES?

Lun, 25/01/2021 - 22:11 — ceippoetaavelinodiaz

Se a túa resposta á pregunta anterior é afirmativa, preme na seguinte imaxe que te levará ao blog da biblioteca.

Alí podes ver o traballo que xa realizaron as alumnas e alumnos de Educación Infantil e do 3º curso da Educación Primaria con motivo da conmemoración do mes da Ciencia.

A BIBLIOTECA DE XALÍN SORPRÉNDENOS CUN AGASALLO

Lun, 28/12/2020 - 22:02 — ceippoetaavelinodiaz

Preme na imaxe ou accede ao blog da Biblioteca de Xalín para abrir o agasallo.

25N: DÍA INTERNACIONAL CONTRA A VIOLENCIA DE XÉNERO

Xov, 26/11/2020 - 02:48 — ceippoetaavelinodiaz

As alumnas e alumnos do CEIP Plurilingüe Poeta Avelino Díaz súmanse un ano máis á loita contra a Violencia de Xénero, sen dúbida unha das grandes problemáticas sociais que asola a nosa sociedade.

Este 25 de novembro de 2020, coordinados polo Equipo de Biblioteca, as alumnas e alumnos do noso centro colaboraron na creación dun mural reivindicativo baixo o lema 'Deixádenos voar'. Nas diferentes bolboretas que tiraban desas catro mulleres que aparecían na imaxe pódense ler mensaxes como: 'Non lles metas pedras no bolsillo', 'Podes cumprir os teus soños', 'Podemos compartir', 'Eu elixo o que quero ser', 'Si lo puedes soñar lo puedes conseguir', ...

Na galería fotográfica deixamos unha escolma deste extraordinario traballo, que desexamos, permaneza na nosa memoria alén do 25 de novembro.

HORARIOS ESPELLO

Ven, 13/11/2020 - 23:01 — ceippoetaavelinodiaz

Segundo a Resolución conxunta da Secretaría Xeral Técnica e da Secretaria Xeral de Educación e Formación Profesional pola que se aproba o Plan de Continxencia ante peches de aulas ou centros educativos no contexto da Covid-19 nos centros de ensino non universitario sostidos con fondos públicos da Comunidade Autónoma de Galicia para o curso 2020-2021, publicamos os "horarios espello" do noso centro no documento adxunto.

1 adxunto

PROTOCOLO COVID-19

Xov, 10/09/2020 - 03:56 — ceippoetaavelinodiaz

Na marxe dereita desta páxina podedes atopar o bloque 'COVID-19'. Neste apartado achégase toda a información relativa ás medidas hixiénico-sanitarias a seguir no presente curso.

3 adxuntos

LISTAXE LIBROS DE TEXTO 2020-21

Lun, 29/06/2020 - 13:01 — ceippoetaavelinodiaz

Listaxe de libros de texto para o vindeiro curso 2020- 2021 no arquivo adxunto.

1 adxunto

MATRÍCULA CURSO 2020/2021

Mar, 23/06/2020 - 19:24 — ceippoetaavelinodiaz

Proceso de matrícula de alumn@s para o vindeiro curso 2020/2021:

PRAZO: Do 1 ao 10 de XULLO

ENTREGA DE DOCUMENTACIÓN: No centro .

HORARIO: De 10.00 a 13:00 h.

DOCUMENTACIÓN A PRESENTAR:

Impreso de solicitude. Adxunto.
Certificado médico.
Certificado de empadronamento.
2 Fotos tamaño DNI.
Fotocopia Tarxeta Sanitaria d@ solicitante.
Fotocopia do libro de familia.
Fotocopia da cartilla de vacinas.
Autorización do uso da imaxe. Adxunto
Autorización de saidas ao contorno. Adxunto
Información sobre intolerancias alimenticias. Adxunto
Opción sobre o ensino da relixión Católica. Adxunto
Cuestionario sobre a lingua materna( só 4º de E. Infantil) Adxunto
Opción sobre a Lingua Estranxeira( só para cursos de E. Primaria) Adxunto
Autorización para participar nas Sección Bilingües (só 4º,5º,e,6º, de E. Primaria) Adxunto
Solicitude de admisión no comedor escolar (se fose o caso) Adxunto nunha entrada anterior da web
Solicitude de parada de transporte escolar (se fose o caso) Adxunto
Calquera outra documentación que o centro considere oportuna solicitar.