Comunícase que, unha vez finalizado o prazo para solicitar a reserva de praza para o vindeiro curso académico 2024 - 2025, e despois de validar e asignar as prazas de todas as solicitudes presentadas no noso centro, todo o alumnado que presentou a súa solicitude dentro do prazo establecido (22 solicitudes en total) ten praza para cursar o 1º curso da ESO no IES Cabo Ortegal.

Achégovos uns recursos elaborados por seis centros coruñeses para a celebración do Día de Rosalía, o vindeiro 23 de febreiro, por se son do voso interese:

1. Cartel en tamaño A4, formato PDF
2. Recursos para infantil e primaria do Día de Rosalía 2024, formato PDF
3. Ligazón cos recursos para infantil e primaria do Día de Rosalía 2024, formato Calameo

A partir do 15 de xaneiro e ata o 5 de febreiro ábrese o prazo para a reserva de praza no IES Cabo Ortegal para o alumnado de 6º de Educación Primaria (Decreto 13/2022 de 3 de febreiro e a Orde do 21 de outubro de 2022). O resto do alumnado matriculado que permanece no centro non ten que facer ningún trámite.

A solicitude pode facerse a través da Sede Electrónica da Xunta ou de forma presencial. Esta última debe presentarse no centro no que está matriculado actualmente o alumnado (CEIP Manuel Fraga Iribarne).

ACCESO Á APLICACIÓN ADMISIÓN DE ALUMNADO

MANUAL DA APLICACIÓN PARA AS FAMILIAS