Un día de cole!!!

Dentro da programación de actividades que dende o centro realizamos para acoller ao alumnado que inicia a escolaridade no 2º Ciclo de Educación infantil, convidámosvos a visitarnos nun “día de cole ”.

Teremos unha xornada de convivencia xunto co alumnado que se despide da educación infantil. Faremos actividades de relación, coñeceremos espazos, xogaremos...

Terá lugar próximo xoves, día 13 de xuño en horario de 12:15h. a 13:15h. Seredes recibidos na entrada principal do colexio.

Cada nen@ deberá vir acompañado dun adulto de referencia, que sexa importante para el (pai, nai, avó, avoa, persoa que o coida...). Esta persoa permanecerá durante todo o tempo. Rogamos a vosa colaboración para interferir o menos posible no desenvolvemento normal do resto de clases.

De seguro que a experiencia vai ser proveitosa e contribuirá a achegarnos un pouco máis si cabe.

Aproveitando a visita, podedes achegarvos á secretaría do centro (edificio primaria) e recoller os impresos para a formalización de matrícula.

Graciñas e unha forte aperta.

O equipo docente do CEIP Luís Seoane

Esta semana realizaremos o proxecto ENKI (https://www.enkiproyecto.com/)no noso cole cun percorrido inclusivo e divertido:

        - mércores 29 de maio: 4º e 5º de Infantil (percorrido dentro do cole)

        - xoves 30 de maio: 6º de EI e 2º de EP (de 10:00h. A 11.15h.) ata a Capela de Santa Ana, polo paseo do Balcón de Maianca.

        - venres 31 de maio: 3º,4º, 5ºe 6º de EP (de 12.00 h. a 14:00 h.) desde o colexio, paseo do Balcón de Maianca, ata a praza Miramar.

     O alumnado poderá vir cun complemento de disfrace como perruca, capa...para facer deste día unha xornada divertida de convivencia.

Agradecemos moito o apoio de Froiz e especialmente a Vegalsa que amosou estar encantado de poder participar con nós neste percorrido inclusivo e colaborará aportando auga e froita para todos e repoñer forzas.

      Moitísimas grazas!

      (Actividade suxeita ás condicións meteorolóxicas)

Como cada ano a ANPA vai organizar unha festa de "Fin de Curso", será o día 20 de xuño de 2024 pola tarde. O alumnado deberá ir acompañado dun adulto, confirmar a asistencia e recoller a pulseira. Aquí deixamos a nota informativa. Apuntádevos!

As fotos grupais que fai a ANPA cada curso, este ano serán: o xoves 30 de 3º a 6º de EP; e o venres 31, Infantil, 1º e 2º de EP 

ORDE do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25 (códigos de procedemento ED330B, ED330G e ED330H)

DESTINATARIOS

Axudas adquisición libros de texto

• Axudas para adquirir libros de texto: 1º e 2º de educación primaria e  educación especial.

• Fondo solidario de libro de textos: 3º e 4º de educación primaria.

• O alumnado incluído no proxecto educación dixital (E-DIXGAL) no curso 2024/25 está excluído da participación no fondo solidario de libros ( 5º e 6º de EP)

Axudas adquisición material escolar

• Axudas para adquirir material escolar destinadas ao alumnado matriculado en educación primaria (1ºEP a 6ºEP) e educación especial.

- O alumnado de 6ºEI que pase a 1º de EP, poderá solicitalo nos prazos indicados.
- O alumando de 6º EP que pase a 1º ESO, solicitará ditas axudas no IES no que vaia a estar o curso que vén matriculado.

PRESENTACIÓN DE SOLICITUDES

• O prazo de presentación de solicitudes remata o día 21 de xuño de 2024.

• Preferiblemente por vía electrónica a través do formulario normalizado (ED330B-anexos I e II) accesible desde a sede electrónica da Xunta de Galicia, https://sede.xunta.gal

• Opcionalmente, poderá presentar as solicitudes presencialmente nos centros docentes

• O formulario de solicitude tamén estará dispoñible nos centros educativos e na sede electrónica da Xunta de Galicia, https://sede.xunta.gal/

Documentación:

- Solicitude (Anexo I)

- Anexo II ( (comprobación de datos dos membros computables da unidade familiar).

- Copia do libro de familia ou documento equivalente, onde figure o/a alumno/a e os demais membros computables da unidade familiar.

En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/da menor.

- Dependendo de cada situación persoal poderase aportar máis documentación.

Xa está publicada a LISTAXE DEFINITIVA de alumnado ADMITIDO  para o curso 2024/25

As listaxes só se poden consultar no taboleiro de anuncios do colexio ou a través da  aplicación admisión alumnado coa Chave 365 ou DNI electrónico (Lei de Protección de datos).

O prazo de formalización da matrícula será do 20 ao 30 de xuño. Para realizala, o colexio poñerase en contacto telefónico coas familias no mes de xuño para concertar día e hora.

Estade moi pendentes á publicación de novas nesta páxina web as familias das nenas e nenos admitidos, polas actividades de acollida que desde o Departamento de Orientación se farán no mes de xuño.

Desde o Servizo de Asistencia Técnica da Igualdade do Concello de Oleiros (SATICO), realizarase o luns 13 de maio un obradoiro dirixido ao alumnado de 5º e 6º de Primaria arredor das violencias LGTBIfóbicas.

Ademais, ese mesmo día, instalarase no cole un "PUNTO ARCOIRIS", como punto de sensibilización e atención para a inclusión da diversidade sexual e de xénero e para a prevención e actuación fronte as violencias LGTBIfóbicas.

Podedes acceder a máis información nas imaxes:

O luns realizamos o obradoiro dirixido a nais, pais e persoal docente coa doutora Carol Strate "Educación sexual integral". Agradecemos moito a vosa asistencia e esperamos que fose proveitosa. Desde o Departamento de Orientación, promotor desta actividade, e coa finalidade de valorar e recoller propostas para vindeiros encontros coas familias, aquí tedes o enlace ao Blog do DO onde atoparedes unha enquisa de valoración.

ENLACE AO BLOG DO DO

Desde o Equipo de Convivencia e Benestar Emocional e o Departamento de Orientación, queremos invitarvos, ás nais e pais, xunto co profesorado do centro, a asistir ao obradoiro "Educación sexual en familia" dirixido pola Doutora Carol Strate, xinecóloga e sexóloga, que terá lugar no colexio o LUNS 6 DE MAIO ÁS 17:30 H. 

Aquí deixamos o enlace ao Blog do Departamento de Orientación, desde onde podedes acceder a máis información e, para garantir unha mellor organización, un formulario de inscrición.

Gustaríanos moitísimo contar coa vosa asistencia!

Blog do Departamento de Orientación e formulario de inscrición

(Este obradoiro está dirixido ás familias e profesorado, as nenas e nenos NON poderán asistir nen estar sós nas instalacións do colexio)

 Publicadas as LISTAXES PROVISIONAISdo proceso de admisión do alumnado para o curso 2024-2025.

Pódense consultar a través da aplicación admisionalumnado, mediante Chave 365 e certificado dixital ou ben no taboleiro de anuncios do interior do centro.

A partir de hoxe, ábrese un prazo de reclamacións de 5 días hábiles.

Publicación de LISTAXES DEFINITIVAS: 15 de maio

Será un día de festa e queremos que participedes nel asistindo polo que haberá tres quendas a elixir. Para iso, tedes que facer a inscrición nun formulario onde deberedes:

• Escoller unha das tres quendas propostas (importante: só poderedes apuntarvos a UNHA DAS QUENDAS)
• Nome e apelidos de todas as persoas que queiran asistir ( haberá un aforo limitado para que poda ser unha actividade divertida e educativa. No caso que se cubra o aforo dunha quenda poñerémonos en contacto con vós para cambiar a vosa quenda de visita). As persoas que NON ESTEAN INSCRITAS NA LISTAXE NON PODERÁN ENTRAR no colexio.