Este ano Peraliño

viaxou por todo o mundo,

tróuxonos libros, regalos,

boas e vellas historias

de países, de cidades,

de príncipes e princesas,

pero tamén de lugares

que temos á nosa beira

falaron de todo iso

e o Antroido, un ferrolán

que coñece a súa ría,

quere que a ría apareza

nos mandados cada día.

Como temos moitas praias 

nesta ría de Ferrol

temos que estar preparados

para cando veña o sol.

Traeremos ata o cole

o mesmo que ás nosas praias: 

que a Chanteiro, ou a Cariño,

a Caranza ou A Cabana.

Así que busca no armario

ata o teu traxe de buza,

bañador, caldeiro e pala

para ir a Bestarruza.

     

Con toda a auga que temos

polo norte e polo sur,

nesta ría predomina

unha bela cor azul.

Así que o que nos toca

nesta viaxe pola ría

é poñer cousas azuis,

iso, e moita alegría!

        

Dous castelos moi fermosos

hai na ría ferrolana,

un é o de San Felipe

e outro o castelo da Palma.

O mércores hai que traer

o que nun castelo atopes:

un cabalo, un cabaleiro

ou moitas xoias nun cofre,

un rei coa súa coroa

e ata un bufón que se mofe.

  

Ameixas e berberechos,

minchas e mexilóns,

robalizas e xurelos

vieiras e camaróns.

Nécoras, vellos, sardiñas,

panchos a mogollón,

todo rico e nutritivo

para medrar un montón.

Así nos disfrazaremos,

vira o rumbo do timón!

de animaliños da ría,

bótalle imaxinación!

 Se queres descargar os mandados preme na imaxe do boneco