"FAMILY ENGAGEMENT" Un proxecto Erasmus plus enfocado á inclusión

Posted Decembro 1st, 2018 by Manoli

O outro proxecto ERASMUS PLUS do noso centro é e está enfocado á inclusión e á convivencia como un compromiso europeo compartido.

Outras dúas profesoras do centro viaxaron a Gales para aprender da súa realidade e do traballo que desenvolven. Visitaron catro centros educativos nos que poideron observar nas aulas e demáis dependencias as actividades do alumnado e do profesorado, pero tamén as instruíron sobre os seus programas de inclusión de alumnado e familias.

As dúas profesoras que participaron nesta mobilidade forman parte dun grupo de profesorado de varios centros: CEIP Isaac Peral, CEIP Esteiro, CEIP Cruceiro de Canido, CEIP Couceiro Freijomil e CEIP Jorge Juan de Narón.

Esta é a presentación que foi elaborada despois da visita para facer partícipes ao claustro e á comunidade escolar da experiencia e das aprendizaxes.

A participación nos proxectos do Erasmus + é moi importante para o centro, pois estes proxectos supoñen un enriquecedor intercambio de experiencias entre profesorado e alumnado dos países participantes.