O pasado 5 de xuño, o ISAAC PERAL foi de restaurante. Acudimos ao Teatro Jofre para desfrutar da obra
representada polos talentosos actores e compañeiros de 4º dentro do ciclo Teatro con G, organizado polas
Equipas de Normalización Lingüística de Ferrolterra en colaboración co Concello de Ferrol.
Chus Pereiro é a autora deste texto teatral infantil publicado pola editorial Xerais con ilustracións de Xan López domínguez.
Utilizando o verso rimado, a autora constrúe unha peza disparatada nun só acto, nun só día, nun só espazo. Neste espazo, o restaurante, onde os comensais falan do prezo esaxerado, ao mesmo tempo que se deixan entrever as diferenzas de clase ante un rei ao que non lle importa gastar, hai algo que semella misión imposible: comer. E o porqué atopámolo na serie de animais vivos que deberían agardar a seren cociñados pero que non se amosarán dispostos ao sacrificio. Iso sí, nun restaurante de "alto copete" hai que pagar, pase o que pase. E aí reside o timo do restaurante. Xa se nos dá unha pista coa ironía do principio:
"Restaurante Farruco, onde non hai trato nin truco"!!!
VELAÍ VOS DEIXAMOS O VÍDEO DA REPRESENTACIÓN
SE QUEREDES VER TODAS AS FOTOS DA REPRESENTACIÓN PREMEDE NA IMAXE DE ABAIXO
E SE TAMÉN QUEREDES VER AS FOTOS DOS ENSAIOS PREMEDE NA IMAXE DE ABAIXO
NORABOA AOS QUE FIXERON POSIBLE ESTA POSTA EN ESCENA TAN BOA E DIVERTIDA!!!