Actividade formativa para as familias: "Claves para unha escola inclusiva"

O CFR de Vigo invita ás familias a participar na seguinte sesión formativa:

 

-       Claves para unha escola inclusiva que se celebrará no VERBUM (Avda Samil, 17)  o día 26 de abril de 2019 en horario de 16:30 a 19:30

 


 Para asistir a dita sesión poden inscribirse a través do correo electrónico cfr.vigo@edu.xunta.es ou a través do teléfono 986202370

ADMISIÓN ALUMNADO, CURSO 2019-2020

NORMATIVA REGULADORA.

 

Decreto 254/2012, do 13 de decembro (DOG 26/12/2012)

Orde do 12 de marzo de 2013 (DOG 15/13/2013)

Orde do 25 de xaneiro de 2017 (DOG 01/02/2017)

 

 POSTOS ESCOLARES OFERTADOS.

Modifícase o número de prazas vacantes a día 12 de marzo de 2019, resultando as seguintes:

4º Infantil

5º Inf

6º Inf

1º Primaria

2º Prim

3º Prim

4º Prim

5º Prim

6º Prim

44 + 6 NEAE*

0

0

1 NEAE*

0

1

0

0

0

 

*Inicialmente reservados para alumnado con necesidades específicas de apoio educativo (atendendo ao disposto no artigo 3º.2 da Orde do 12 de marzo de 2013).

 

SOLICITUDES.

 Prazo de presentación de solicitudes de admisión:

Do 1 ao 20 de marzo

 

Modo de presentación de solicitudes: Pódese facer a través dun dos seguintes procedementos:

 1.- A través da aplicación <admisionalumnado>

(https://www.edu.xunta.es/admisionalumnado).

Cubren o formulario de admisión a través do menú Solicitudes - Admisión - Crear solicitude de admisión. Feito iso poden optar por:

  • Cubrir e imprimir dito formulario e achegalo ao centro educativo no que queren matricular ao seu fillo ou filla en primeira opción.
  • Se dispoñen de certificado dixital ou chave 365, presentalo na Sede Electrónica a través da aplicación.

 2.-. Cubrindo e entregando no centro de primeira opción o impreso que está a súa disposición na citada aplicación ou na secretaría do centro.

 Cada alumno/a só pode presentar unha única solicitude no centro no que solicite praza en primeiro lugar, poden pór ata 6 centros por orde preferencia. (A infracción desta norma determinará a perda dos dereitos de prioridade que poidan corresponderlle).

O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe antes do 1 de marzo.

O alumnado que ten reservada praza nun centro adscrito, se presenta solicitude noutro, deberá comunicar a renuncia á reserva antes do inicio do prazo de presentación de solicitudes de admisión.

 DOCUMENTACIÓN.

 

  • A solicitude de admisión deberá ir acompañada da fotocopia da documentación acreditativa do requisitio de idade (DNI do alumno/a ou fotocopia do Libro de Familia).
  • Copia do DNI da persoa solicitante e dos membros computables da unidade familiar, cando deneguen a súa consulta.
  • Certificado oficial do expediente académico, no seu caso.
  • Sentencia xudicial de separación ou divorcio e/ou convenio regulador onde conste a custodia do menor, no seu caso.
  • Cando o número de solicitudes sexa superior ao número de prazas ofertadas polo centro, abrirase un prazo para achegar a documentación xustificativa dos criterios do baremo.
  • Toda a documentación que se presente deberá ir acompañada da orixinal ou presentar copia cotexada.

 

 CALENDARIO DO PROCEDEMENTO DE ADMISIÓN E MATRÍCULA.

Presentación da solicitude de admisión

1 ao 20 de marzo

Presentación listaxe  de solicitudes presentadas

O 25 de marzo

No caso de haber máis solicitudes que prazas:

Presentación da documentación acreditativa dos criterios de baremo

 

do 25 de marzo ao 5 de abril

Publicación das listaxes provisionais de persoas admitidas e non admitidas

antes 25 de abril

Reclamacións ás listaxes (5 días hábiles despois da publicación destas)

Do 26 de abril ao 7 de maio

Publicación das listaxes definitivas de persoas admitidas e non admitidas

antes do 15 de maio

Formalización da matrícula en educación infantil e primaria

do 20 ao 28  de xuño

O alumnado e as familias poderán consultar o estado de tramitación das súas solicitudes:

-A través da aplicación <admisionalumnado> (https://www.edu.xunta.es/admisionalumnado), utilizando o código de solicitude e o número de DNI da persoa solicitante.

 

CRITERIOS XERAIS PARA A ADMISIÓN DO ALUMNADO.

  1. Existencia de irmás/áns matriculadas/os no centro.
  2. Nai, pai, titora ou titor que traballe no centro.
  3. Proximidade do centro ao domicilio familiar ou ao lugar de traballo das/dos nais/pais ou titoras/es.
  4. Renda anual per cápita da unidade familiar.
  5. Condición de familia numerosa.
  6. Condición de familia monoparental.
  7. Concorrencia de discapacidade na alumna ou alumno, ou en nai, pai, titora, titor, irmá ou irmán do alumnado.

 

CRITERIO COMPLEMENTARIO DO BAREMO FIXADO POLO CONSELLO ESCOLAR.

    O criterio complementario é solicitar en primeiro lugar un centro de ensino público. A valoración deste criterio será dun punto.

 

HORARIO DA SECRETARÍA.

   O horario da secretaría para a entrega de solicitudes e documentación é de 9:00h a 14:00 h, de luns a venres.

 

EXPOSICIÓN DA INFORMACIÓN SOBRE O PROCESO:

           Toda a información estará exposta nos taboleiros de anuncios do colexio e na páxina web: www.edu.xunta.es/centros/ceipgarciabarbon/

 

SERVICIOS COMPLEMENTARIOS:

O centro dispón de servizo de comedor e Aula Matinal que, xunto coas actividades extraescolares, son xestionadas pola ANPA. Para calquera información sobre os servizos ofertados e as actividades, deberán porse en contacto con dita asociación. O horario de atención ao público da ANPA é de 9:00 a 9:30 h e de 13:45 a 14:15 horas.

Teléfono: 660175215  

E-mail: anpa.garcia.barbon@gmail.com

Máis información en http://anpagarciabarbon.org/

 

CENTRO ADSCRITO:

O Instituto de Educación Secundaria ao que está adscrito o CEIP García Barbón é o IES ROSAIS 2.

 

ÁREA DE INFLUENCIA:

Comprende dende o cruce de Isaac Peral e Camiño do Viso, seguindo pola rúa San Xoán do Monte ata o cruce coa rúa Cantabria; e seguindo pola Avenida do Aeroporto ata a rúa Tomás Elvira e dende aquí pola Avenida Ramón Nieto, rúa Urzaiz e rúa Colón ata o porto.

 

Na páxina: www.escolasvigo.org/mapas poden consultar as áreas de influencia de Vigo e a que lle corresponde introducindo o seu enderezo.

FOLGA DO DÍA 8 DE MARZO DE 2019

Informamos ás familias que o vindeiro día 8 de marzo, Día Internacional das Mulleres, está convocada unha folga xeral.

Tendo en conta o Decreto 16/2019, do 28 de febreiro, polo que se ditan normas para garantir os sevizos esenciais durante a folga convocada para o día 8 de marzo de 2019, estes servizos quedan establecidos da seguinte maneira:

 

1.7.3. Centros docentes non universitarios de titularidade pública:

  • A dirección ou membro do equipo da dirección
  • 1 subalterno ou subalterna en cada centro escolar. [...] En todo caso, quedará garantida a apertura e peche de todos os centros.
  • 1 encargado do cátering en cada un dos comedores de xestión indirecta.
  • 1 auxiliar coidador/a en cada centro educativo que non sexa centro de educación especial e que neste curso teña asignado persoal desa categoría.

Os usuarios do comedor escolar que non vaian facer uso deste servicio deben poñerse en contacto coa ANPA urxentemente para favorecer a organización do comedor. Poden facelo a través da app, do whastapp ou chamando de 13:30 a 19:00.

ENQUISA DE CONVIVENCIA

Ao longo desta semana o alumnado levou unha circular da Consellería onde informaba do proceso de diagnose e seguimento da convivencia escolar. Esta levarase a cabo a través dunha enquisa á cal se accede a través da páxina

https://www.edu.xunta.es/

Na circular teñen un contrasinal para poder acceder. Unicamente se pode utilizar unha vez. Se teñen algunha incidencia pasen por secretaría. A enquisa é totalmente anónima e estará aberta ata o 17 deste mes de marzo.

Se necesitan máis información poden atopala no seguinte enlace.

Agradecemos ás familias a vosa colaboración.

A dirección

FESTIVAL DE ENTROIDO

Estimadas familias:

O venres día 1 de marzo o centro vai celebrar o entroido.

O acto realizarase no patio (pista de fútbol) se o tempo o permite. Se non fose posible, será no pavillón do centro e non poderán asistir as familias.

O acto comezará ás 12:15 h (as portas abriranse 5 minutos antes). Os asistentes deberán colocarse nos laterais da pista de fútbol, que estará marcada cunhas cintas.

Lembramos:

Non todas as familias autorizaron a toma de imaxes dos seus fillos. Se alguén as fai será baixo a súa responsabilidade quedando o centro libre de posibles actuacións.

A duración aproximada do acto será de 40 minutos.

Grazas pola vosa colaboración

Un saúdo

A dirección

RESERVA DE PRAZA PARA O IES ROSAIS 2

As familias do alumnado de 6º de primaria interesadas en matricular aos seus fillos/as no IES Rosais 2 deben facer unha reserva de praza  entre o día 1 e 15 do mes de febreiro. Poden optar por unha destas dúas posibilidades:

1. Poden pasar por secretaría do noso centro a recoller a instancia. Unha vez cuberta deben entregala no noso colexio.

2. Poden cubrir a instancia en www.edu.xunta.es/admisionalumnado, optando por:

- imprimila e entregala no noso colexio 

- presentala en Sede Electrónica a través da aplicación (con certificado dixital ou chave365)

Se necesitan axuda poden chamar ao centro en horario de secretaría. Non se esquezan de que o prazo remata o día 15 deste mes de febreiro.

Como arquivo adxunto poden descargar a instancia e un breve manual.

A dirección

INFORMACIÓN IMPORTANTE:

A dirección do IES Rosais 2 informa dos criterios para a adxudicación das seccións bilingües.

- Alumnos que teñan unha nota de Inglés no curso precedente igual ou superior a 7.

- No caso de haber un maior número de demandas que prazas existentes nos cursos con sección bilingüe, procederase á elección de alumnos/as participantes de dita sección, utilizando a letra xurdida no sorteo da Consellería de Educación para o desempate na orde de admisión de alumnado para os centros sostidos con fondos públicos.

XORNADAS DE PORTAS ABERTAS

Os días 19 de febreiro ás 16:30 e 26 de febreiro ás 17:30 levaranse a cabo as xornadas de portas abertas. As familias interesadas en asistir deben chamar ao centro, no teléfono 886111087 para apuntarse.

Un saúdo

A dirección

CELEBRACIÓN DÍA DA PAZ

Informamos ás familias que a celebración do día da paz realizarase no pavillón.  Por problemas de aforo NON PODERÁN ASISTIR OS PAIS.

A dirección

 

6º MUSICAL FAMILIAR BENÉFICO

O 6º Musical Familiar Benéfico levará a escea unha adaptación teatral da obra “Peter Pan” interpretado polos familiares da Asociación Aboal.

Este espectáculo terá lugar no Auditorio Mar de Vigo o vindeiro sábado 26 de Xaneiro ás 17:00 hs. O prezo das entradas é de 5€ + 1kg de alimentos, en beneficio do Banco de Alimentos e da Asociación Aboal. 

Máis información descargando o arquivo en PDF.

Feliz 2019!

Os mestres do CEIP García Barbón desexámosvos un próspero e feliz aninovo! 

  

 

Dinamización Lingüística

Canadá 2017

Eventos

« Abril 2019 »
LunMarMérXovVenSábDom
1234567
891011121314
15161718192021
22232425262728
2930

Iniciar sesión