Recollida de tapóns de plástico

A partires do luns 12 de novembro o colexio vai colaborar coa Fundación Amigos de Galicia na recollida de tapóns de plástico con fines solidarios.

Para elo disporemos dun contedor na entrada do centro onde poderedes depositar os vosos tapóns.

Moitas grazas anticipadas pola vosa axuda e colaboración.

Máis información en:

https://www.fundacionamigosdegalicia.org/campa%C3%B1as/tap%C3%B3ns/

ELECCIÓNS CONSELLO ESCOLAR

Este curso 2018-2019 corresponde facer unha renovación parcial dos membros do Consello Escolar do centro. No sector de nais/pais/titores renovaranse catro membros, dos cales un será proposto pola ANPA. Como xa sabedes o pasado día 25 de outubro realizouse o sorteo mediante o cal se procedeu a designar aos membros da Xunta Electoral, encargada de organizar e supervisar o procedemento de elección dos novos membros do Consello Escolar, resultando:

  • Vanesa Rodríguez Araújo (presidenta)
  • Beatriz Fraga (mestra)
  • Esther Fidalgo (nai)
  • Severino Sánchez (PAS)

O día 6 de novembro constituíuse a Xunta Electoral e estableceuse o seguinte calendario de actuacións:

Do 7 ao 13 de novembro (das 9:00 do día 7 ata as 14 horas do día 13 de novembro, na secretaría do centro)

 

  • Reclamacións aos censos.         
  • Prazo de presentación de candidaturas.

Mércores 14 de novembro:

 

  • Proclamación e posterior publicación de candidaturas presentadas.
  • Aprobación definitiva de censos electorais.
  • Sorteo público da designación dos membros das mesas electorais. 

 

Días 15 e 16 de novembro.

 

  • Prazo de reclamación á proclamación das candidaturas 

Día 19 de novembro.

 

  • Proclamación definitiva de candidaturas.  

 

Martes 27 de novembro: 

 

  • Votación dos pais, nais e titores do alumnado, de 9:00 a 10:00 e de 13:30 a 14:30. horas.

Xoves 29 de novembro.

 

  • Proclamación e publicación de candidatos electos.

Máis información no arquivo adxunto.

 

 A dirección

 

FENÓMENO METEOROLÓXICO ADVERSO

A Comisión Escolar de Alertas tomou a decisión de suspender hoxe, a partir das 12:00 horas as actividades no exterior dos centros educativos das zonas de predición meteorolóxica do suroeste da Coruña, oeste da Coruña, noroeste da Coruña, litoral de Pontevedra da Mariña lucense, debido a un fenómeno meteorolóxico adverso de nivel laranxa por refachos de ventos superiores a 100 quilómetros hora que comezará este martes e se prolongará ata as 00,00 horas de mañá mércores. 

En calquera caso, a Comisión decidiu que se manteña a actividade lectiva así como o transporte escolar en todos os centros educativos de Galicia. Aínda así, e como é habitual nestas circunstancias, no caso de que a situación meteorolóxica supuxese un risco superior ao declarado, os directores poderán adoptar as decisións oportunas a este respecto.

A listaxe de concellos incluídos en cada zona climática pode consultarse na páxina web de Meteogalicia (http://www.meteogalicia.gal/datosred/infoweb/meteo/docs/adversos/DefinicionZonasAdversos_gl.pdf ).

 

Charla "Prevención do suicidio infanto-xuvenil

23/10/2018 17:33
Atlantic/Bermuda

FOANPAS organiza a charla “PREVENCIÓN DO SUICIDIO INFANTO - XUVENIL” o vindeiro martes  30 de outubro no Salón de Actos do IME, sito en Camiño do Chouzo, nº 2(Vigo), ás 18:00 horas.

É unha actividade dirixida ás ANPAS, ás nais e pais e aos docentes dos centros de ensino público, na que se falará da prevención do suicidio nas crianzas, unha circunstancia que nos últimos anos está a aumentar: segundo o INE, cada mes un menor de idade quítase a vida en España e, segundo a OMS, o suicidio é a segunda causa de morte entre os 15 e os 29 anos. Algunhas crianzas chegan a este tráxico desenlace, pero son moitas as que o teñen no seu pensamento.

 

Non queremos mirar para outro lado, hai que abordar o tema e ter ferramentas para evitar chegar a esta circunstancia. Intervirá Manuel Araújo, psicólogo e terapeuta cognitivo – conductual, que ofrecerá ferramentas para previr e detectar conductas de risco.

 

Os/as interesados/as podedes inscribirvos vía telefónica: 986298812 ou no correo electrónico: foanpas@foanpas.com ata o 29 de outubro. Prazas limitadas!!

 

Para facilitar a vosa asistencia contaremos con servizo de ludoteca para nenos/as de 3 a 12 anos (previa inscrición e se hai un mínimo de 5 nenos/as anotados/as).

Máis información no arquivo adxunto. 

ATENCIÓN A URXENCIAS SANITARIAS PARA FAMILIAS

A Consellería ofrece ás familias a posibilidade de asistir a unha formación de 9 horas sobre atención a urxencias sanitarias, que será impartida por persoal do 061.
Esta formación  desenvolverase no IES Politécnico de Vigo (Torrecedeira, 88  C.P. 36208, Vigo ) os días 12, 19 e 26 de novembro en horario de 16:30 a 19:30.
Para facer a inscrición hai que chamar ao teléfono do CFR de Vigo 986202370 ata o día 7 de novembro. A selección dos participantes farase por orde de recepción das solicitudes ata cubrir 30 prazas.
 
Un saúdo
 
A dirección

Benvida ao curso 2018-2019

Benvidos e benvidas ao curso 2018/2019, un curso que se inicia o mércores 12 de setembro ás 9 da mañá. Un curso que se presenta con novidades, sorpresas e moito, moito agarimo.

LISTAXES DEFINITIVAS DE AXUDAS

Achegamos listaxes definitivas de fondo solidario de libros de texto e vales de material escolar e libros de texto.

Un saúdo

A dirección

RECTIFICACIÓN DATAS PERÍODO DE ADAPTACIÓN PARA OS ALUMNOS QUE COMEZAN EN 4º DE E. INFANTIL

- Advertido erro nas datas do período de adaptación. Rectificado a día 11/7/18.

Nos arquivos adxuntos poden consultar a planificación do período de adaptación. Teñen tamén un tríptico con recomendacións para unha mellor adaptación ao centro. A data de reunión inicial coas familias é o día 7 de setembro ás 10:00 da mañá.

Un saúdo

A dirección

FONDO SOLIDARIO DE LIBROS DE TEXTO E AXUDAS PARA A ADQUISICIÓN DE LIBROS DE TEXTO E MATERIAL ESCOLAR. LISTADO PROVISIONAL

Poden descargar os arquivos adxuntos cos listados provisionais do "fondo solidario de libros de texto" e as "axudas para a adquisición de libros de texto e material escolar".

  • RECLAMACIÓNS ÁS LISTAXES:4 E 5 DE XULLO

 

  • PUBLICACIÓN LISTAXES DEFINITIVAS: 6 DE XULLO (na páxina web e no taboleiro situado no recibidor do centro).

 

  • ENTREGA VALES: DO DÍA 9 AO 13 DE XULLO EN HORARIO DE 9 A 14H NA SECRETARÍA.

 

  • ENTREGA LIBROS FONDO SOLIDARIO:7 DE SETEMBRO DE 10 A 14H NAS AULAS. 

Reunión inicial coas familias do alumnado que vai comezar en 4º de Educación Infantil.

 

 Unha vez rematado o prazo de matriculación do alumnado procedemos á elaboración dos grupos dos alumnos que van comezar en 4º de Educación Infantil. Publicaremos nesta páxina, na vindeira semana, o período de adaptación, os grupos, recomendacións de cara ao inicio do curso e a data da reunión inicial coas titoras. Informamos que esta levarase a cabo os primeiros días de setembro.

Un saúdo

A dirección.

Biblioteca

Dinamización Lingüística

Canadá 2017

Eventos

« Novembro 2018 »
LunMarMérXovVenSábDom
1234
567891011
12131415161718
19202122232425
2627282930

Iniciar sesión