blogue deadministrador

Xornadas de portas abertas

Mar, 21/01/2020 - 01:31 — administrador

Xa poden apuntarse ás xornadas de portas abertas. Para unha axeitada organización é necesario inscribirse chamando ao teléfono 886 111 087.

Xornada " Como Previr, Detectar e Intervir na Violencia de Xénero"

Ven, 15/11/2019 - 01:20 — administrador

Rede de Mulleres convidan ás familias dos estudantes á Xornada " Como Previr, Detectar e Intervir na Violencia de Xénero". Esta charla pretende acadar unha maior sensibilización contra as violencias machistas, comprender os procesos que a sustentan e como a educación temperá cos cativos e cativas e cos adolescentes é a principal ferramenta para erradicala.

Esta Xornada realizarase o venres día 29 de novembro de 10 a 13 horas .

Podedes inscribirvos nos seguintes teléfonos: 986 22 23 28 // 670 453 431 ou no correo redemediadorasvigo@gmail.com

PROGRAMA "COEDUCANDO NA BARXA"

Mar, 29/10/2019 - 00:47 — administrador

Estimadas familias

O vindeiro mércores 30 de outubro levarase a cabo o primeiro "Obradoiro de educación afectivo- sexual" para familias e profesorado. O comezo será ás 16:30 e contarase cun servizo de ludoteca, gratuíto, para o cal hai que facer unha inscrición previa.

Agardámosvos a todos!

A dirección.

SAMAÍN 2019

Mar, 29/10/2019 - 00:01 — administrador

Estimadas familias.

Informamos que o alumnado poderá vir disfrazado ás aulas o mércores 30 de outubro. Os disfraces serán, preferentemente, elaborados polos nenos con materiais de refugallo, etc. Os rapaces/as virán con eles postos dende casa e, no caso de coincidir con sesión de educación física, deben ser cómodos ou fáciles de sacar. Evitarase que conteñan complementos perigosos para o resto da comunidade educativa.

Aproveitamos para recordarlles que o día 31 de outubro e 1 de novembro son "non lectivos".

Un saúdo.

A dirección.

IV XORNADAS DE IGUALDADE E EDUCACIÓN

Lun, 07/10/2019 - 23:54 — administrador

Achegamos información das IV XORNADAS DE IGUALDADE E EDUCACIÓN que terán lugar o vindeiro sábado 19 de outubro de 9:30 a 14:00 horas no IME (Camiño do Chouzo nº 2).

Esta actividade está orientada ás familias, a profesionais de educación...

Para facilitar a asistencia contarán con servizo de ludoteca e de intérprete en lingua de signos.

Poden consultar máis información nos documentos que se achegan.

3 adxuntos

OBRAS NO CEIP GARCÍA BARBÓN

Mér, 04/09/2019 - 09:45 — administrador

Informamos ás familias que, por mor das obras, non se pode acceder ao centro escolar. Para calquera trámite de secretaría chamen ao teléfono do colexio: 886 111 087.

A reunión de pais de alumnos de 3º de educación infantil mantense para o venres 6 de setembro ás 10 da mañá.

Tamén se mantén a entrega de "fondo solidario de libros de texto" para o venres día 6 de setembro de 12 a 14 horas.

Recordamos tamén que as clases comezan o 11 de setembro.

A dirección

LISTAXES FONDO LIBROS E VALES PARA LIBROS DE TEXTO E MATERIAL ESCOLAR

Lun, 08/07/2019 - 14:17 — administrador

Poden consultar as listaxes definitivas de axudas concedidas para a adquisición de libros de texto (alumnado de 1º e 2º de E. primaria) e material escolar (1º a 6º de educación primaria) descargando os arquivos adxuntos. Poden consultar tamén a listaxe de "fondo solidario de libros de texto" para alumnado de 3º a 6º de primaria, descargando o adxunto ou na corticeira do centro.

NOTA: Achégase listado de establecementos nos que poden canxear os vales de material escolar.

Un saúdo

A dirección

3 adxuntos

Listaxe provisional FONDO LIBROS

Mar, 02/07/2019 - 14:35 — administrador

Poden descargar as listaxes provisionais de axudas do Fondo libros (3º a 6º de EP), das axudas para libros de texto (1º e 2º de EP) e material escolar (Educación infantil e primaria).

Reclamacións ás listaxes ata o venres 5 de xullo, na secretaría do centro, de 9:00 a 14:00.

Listaxes definitivas o luns 8 de Xullo.

Un saúdo

A dirección

1 adxunto

PERÍODO DE ADAPTACIÓN ALUMNADO 4º DE EDUCACIÓN INFANTIL

Lun, 01/07/2019 - 14:39 — administrador

As familias do alumnado que vai cursar 4º de educación infantil no curso 2019/20 poden consultar o período de adaptación dos seus fillos descargando os documentos adxuntos.

Un saúdo

A dirección

2 adxuntos

LISTAXES LIBROS DE TEXTO. CURSO 2019/20

Lun, 24/06/2019 - 14:18 — administrador

O alumnado levou nas mochilas as listaxes de libros de texto para o curso 2019/20. Poden descargalas, no caso de ser necesario, clicando no enlace de abaixo.

Un saúdo

A dirección