CEIP FROEBEL

Procedemento reclamación cualificacións

Estimadas familias:

Con motivo do remate do curso e tendo en conta o contexto de cambios normativos que se están a producir, cómpre lembrar algunhas cuestións de interese relativas á reclamación de notas.

A normativa de referencia é a seguinte:

Orde de 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en educación infantil, educación primaria, educación secundaria obrigatoria e bacharelato (DOG do 11 de marzo).
Orde do 25 de xaneiro de 2022 pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia (DOG do 11 de febreiro).

Por tanto, unha vez modificada a Concreción Curricular de acordo coa nova normativa, presentamos o seguinte calendario de reclamacións das cualificacións e das decisións de promoción:

1. Reclamación formal ante a dirección: No prazo de dous días lectivos desde o día seguinte á comunicación.

2. Revisión no centro: Reunión extraordinaria para revisar o proceso de adopción da decisión de promoción á vista das alegacións realizadas e comunicacióndadecisión á familia reclamante.

3. Reclamación ante a Xefatura Territorial: No caso de que persista o desacordo.

Participamos en Pontenciencia 2022: IX FEIRA da Miniciencia.

Os pasados días 27 e 28 de maio o noso alumnado de 6º de EP participou na feira expositiva de proxectos de investigación.

Baixo o título “A produción de sementes nas froitas segundo a estación” formáronse en métodos de investigación, deseñaron e comprobaron o obxecto de estudo e finalmente tiveron que interpretar os resultados e as conclusións.

Todo este proceso tivo a súa conclusión na defensa do seu traballo diante dun comité de investigadores da Universidade de Vigo e do CSIC.

Dous días que foron xornadas de grandes aprendizaxes, con investigacións moi orixinais, e onde puideron participar dentro dos diferentes talleres de ciencia.

https://view.genial.ly/628a193f063c6c0011c9f5a7/presentation-pontenciencia-2022-ceip-plurilingue-froebel

O próximo curso repetiremos!

blogue de Equipo directivo

Fondo solidario de libros de texto e axudas para adquirir libros de texto e material escolar

Estimadas familias:

De acordo coa Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar, dende o día 19 de maio ata o 22 de xuño está aberto o prazo de presentación de solicitudes.

- Os destinatarios do fondo solidario de libros de texto será o alumnado matriculado en 3º e 4º de EP.

O alumnado de 5º e 6 de EP, ao estar incluído no proxecto de educación dixital (E-dixgal), quedará excluído da participación no fondo solidario de libros de texto. Non obstante, poderán solicitar a axuda para adquirir material escolar cando reúnan os requisitos establecidos na orde.

- As axudas para adquirir libros de texto serán para o alumnado matriculado en 1º e 2º de EP.

- As axudas para adquirir material escolar estarán destinadas para alumnado matriculado en EP e que cumpran as condicións de renda per cápita da unidade familiar.

A elaboración da solicitude poderase realizar de forma presencial no centro, igual que nos cursos anteriores, ou a través da aplicación Fondolibros: https://www.edu.xunta.gal/fondolibros/. Cubrindo Anexo I e Anexo II para a comprobación dos membros computables da unidade familiar e copia do libro de familia ou documento equivalente onde figuren o alumno/a e os demais membros computables da unidade familiar.