DOCUMENTOS FORMALIZACIÓN DE MATRÍCULA CURSO 24-25
Achegamos os documentos para formalizar a matrícula de novo ingreso, para o vindeiro curso 2024-2025.
Poderán facelo dentro do prazo establecido, do 20 ao 30 de xuño, onde deberán presentar a seguinte documentación no centro escolar.
Para axilizar o traballo e que poidades ir recompilando e cumprimentado toda a documentación, deixamos a continuación un resumo cos documentos a presentar.
Podedes descargarlos premendo no documento en cuestión ou en anexos.
- Impreso de matrícula.
- Fotocopia da Tarxeta Sanitaria.
- Tres fotografías tamaño carné.
- Elección do ensino de Relixión ou Atención Educativa.
- Elección de Lingua (Inglés-Francés).
- Autorización para a publicación de imaxes.
- Autorización saídas na contorna.
- Autorización de recollida.
- Cuestionario sobre a lingua materna (so o alumnado de 4º EI, 3 anos).
- Autodeclaración para uso de comedor escolar, se é o caso (pendente de publicación para o curso 24-25).
- Elección da parada escolar, se é o caso.
- Informe médico-sanitario (segundo a lexislación, no informe médico do alumno deberá constar: que non padece enfermidade infectocontaxiosa, o seu estado inmunitario, se existen ou non deficiencias visuais e auditivas, así como, se procede, as medidas que habería que tomar no caso do que alumno/a padecese algunha enfermidade ou limitación distinta das reseñadas anteriormente).
Queremos recordar que todo aquel alumnado que o precise pode inscribirse no Plan de Alerta Escolar.
A continuación podedes ver, picando na imaxe, todo o relativo ao mesmo.
Calquera dúbida, podedes consultarnos no teléfono 981431848 ou no correo do centro ceip.eladia.marino@edu.xunta.gal
ENQUISA DA ANPA O CASTIÑEIRO.
Ola!
Cres que o deseño das actividades extraescolares non está adaptado ás túas necesidades?
Varias familias compartiron coa ANPA as súa preocupación de que o deseño do calendario complicáballes conciliar e tamén que a oferta non era xeralmente moi diversa. O papel do ANPA é precisamente entender e trasladar as necesidades das familias do CEIP Eladia Mariño, pero para iso temos que entendelas ben. Así que fixemos unha enquisa. Podedes enchela aquí: https://forms.gle/7mVvbTedc81EZsfj7
Pensade qué necesitades e poñédeo na enquisa. Sinxelo e rápido.
Unha vez chea por tódalas familias, traballaremos para que se faga realidade. Veremos qué se logra. Como cada ano, estanse a organizar as actividades extraexcolares do curso que ven, polo que agora é o momento de falar do que precisamos.
Se queres colaborar con iniciativas coma esta para dar voz e accionabilidade ás necesidades dos nenos/as e das familias do Eladia Mariño, apúntate aquí ó ANPA: https://forms.gle/g3wMfgv8HDL2nnNc6
DÍA MUNDIAL DO MEDIO AMBIENTE. SAÍDA Á PRAIA DA MADALENA.
Campamentos de verán do Concello de Cabanas
O vindeiro 3 de xuño ábrese o periodo de solicitudes de prazas para participar nos campamentos de verán do Concello de Cabanas que, como anos anteriores, oferta 2 alternativas: o campamento urbano Cabanas Concilia e o campamento deportivo.
Ambas modalidades celebraranse durante os meses de xullo e agosto no apeadoiro do Areal e no entorno do CEIP Eladia Mariño.
O campamento urbano Cabanas Concilia está destinado a nenas e nenos en idade escolar nados desde o ano 2012 a 2020. Levaranse a cabo actividades para promover a expresión artística, ass relacións entre iguais e os hábitos saudables mediante o técncias de autocoñecemento e o xogo. Todas as actividades terán un enfoque socioeducativo, con perspectiva de xénero e serán promotoras do bo trato. Esta actuación está financiada pola Consellería de Promoción do Emprego e Igualdade e polo Ministerio de Igualdad.No campamento deportivo, orientado a nenas e nenos a partir de 7 anos, desenvolveranse actividades para iniciarse na práctica deportiva de forma lúdica e promocionar un estilo de vida saudábel, incluíndo xogos acuáticos, baloncesto, bádminton, voleibol, hóckey, béisbol, fútbol ou balonmán.
As inscricións a estes campamentos poderán ser quincenais ou de carácter mensual, cuns prezos de 40 e 65 euros, respectivamente. Poderá solicitarse máis dunha quenda, indicando cal é a de preferencia. En principio, só se adxudicará unha quenda e no caso de que haxa interese por unha segunda quenda, poderá adxudicarse tamén no caso de que haxa dispoñibilidade de praza.
A solicitude de praza farase no Rexistro Municipal, presencial ou telematicamente, cos seguintes prazos:
- 3, 4 e 5 de xuño para familias empadroadas
- 6 e 7 de xuño para familias non empadroadas con nenas e nenos matriculadas no CEIP Eladia Mariño
- 10 e 11 para familias non empadroadas.
- Solicitude de participación (arquivo para descarga está no pé desta nova)
- Copia do DNI da persoa proxenitora.
- Copia do DNI ou partida de nacemento da nena ou neno participante (ou libro de familia).
- Copia da tarxeta sanitaria da nena ou neno participante.
- Xustificante de matricula do CEIP Eladia Mariño en caso de non ter empadroamento no Concello.
- Xustificación da necesidade de conciliación no caso de habela (Vida laboral , cabeceira de nómina, xustificantes de empresa, etc.).
Publicarase a lista de solicitudes admitidas e excluídas no taboleiro de anuncios do concello e na web municipal, concedendo un prazo de 10 días para a presentación de reclamacións.
As persoas que desexen máis información poden dirixirse ao 981 495 959, na extensión 6 ou 2 para o campamento urbano Cabanas Concilia, e na extensión 3 para o campamento deportivo.
RADIO ESCOLAR ESPECIAL LETRAS GALEGAS
Podedes ver a continuación o programa de Radio Cabanas especial Letras Galegas. Que o disfrutedes!
DATAS DE RESOLUCIÓN DE SOLICITUDES DO FONDO SOLIDARIO DE LIBROS E AXUDAS DE ADQUISICIÓN DE LIBROS DE TEXTO E MATERIAL ESCOLAR. CURSO 24-25
Fondo solidario de libros de texto e axudas para a adquisición de libros de texto e material escolar.
Green & Tan Readers Book Lover List Informational Infographic de Laura Blanco
Dende o 21 de maio e ata o 21 de xuño, está aberto o prazo para solicitar as axudas para libros e material escolar para o vindeiro curso 2024-2025.
Recolle todo o referente a este fondo solidario a Orde do 7 de maio de 2024 (DOG do 20 de maio 2024).
Adxúntase nos anexos a solicitude que se debe cumplimentar para acceder a estas bolsas, xunto cun manual de preguntas frecuentes.
Calquera outra dúbida podedes consultala no centro.
Forma de presentación:
- Electrónica: utilice a aplicación https://www.edu.xunta.gal/fondolibros e presente solicitude na Sede Electrónica(inicie premendo no icono de botón na esquina superior dereita da pantalla)
NOTA: na presentación electrónica deberá presentar unha solicitude individual para cada un dos seus fillos.
- Presencial con asistencia da aplicación : cubra os datos na aplicación https://www.edu.xunta.gal/fondolibros/, imprima os Anexos I e II producidos e presenteos no centro educativo (inicie premendo no icono de botón na esquina superior dereita da pantalla).
- Presencial manual: utilice os Anexo I e Anexo II da Orde da convocatoria e presenteos no centro educativo.
O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024.
DOCUMENTACIÓN PARA A PRESENTACIÓN
A solicitude deberá estar asinada polo nai, pai, titor/a ou representante legal do alumnado, e a súa presentación implicará que acepta as bases da convocatoria, cumpre os requisitos exixidos nela e que son certos os datos indicados na solicitude; así mesmo, que se compromete a conservar en bo estado e a devolver, ao finalizar o curso, os libros de texto e o material reutilizable recibidos do fondo solidario ou adquiridos coa axuda para libros de texto.
Documentación que se debe entregar:
1. SOLICITUDE: ANEXO I e ANEXO II
b) Copia do libro de familia ou documento equivalente, onde figure o/a alumno/a e os demais membros computables da unidade familiar.
En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/da menor.
Excepcionalmente (cando non sexa posible facelo polos medios anteriores), poderase acreditar o número de membros computables utilizando algún dos seguintes medios:
1º. Certificado ou volante de convivencia.
2º. Informe dos servizos sociais ou do órgano equivalente do concello onde resida a familia.
Nos casos especiais, en que a composición da unidade familiar non se axuste ao sinalado no artigo 4.1 desta orde, achegarase un certificado ou volante de convivencia en que deberán figurar o/a alumno/a e todos os familiares que convivan con el/ela, ou un certificado dos servizos sociais do concello que acredite a situación familiar.
c) Certificado de discapacidade do/da alumno/a ou calquera membro da familia non expedido pola Administración autonómica.
d) Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da violencia de xénero, cando o agresor forme parte da unidade familiar.
e) Resolución xudicial constitutiva da curatela representativa ou resolución xudicial que estableza a patria potestade prorrogada ou rehabilitada mentres non se produza a revisión desta medida.
f) Resolución administrativa ou xudicial acreditativa da situación de acollemento ou certificado do centro de menores, para o alumnado en situación de tutela ou garda da Xunta de Galicia.
g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE.
h) Outra documentación.
2. A documentación complementaria presentarase preferiblemente por vía electrónica.
Opcionalmente, as persoas interesadas poderán presentar a documentación complementaria presencialmente no centro docente ou en calquera dos lugares e rexistros establecidos na normativa reguladora do procedemento administrativo común.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »