RESERVA DE PRAZA EN CENTRO ADSCRICIÓN
Hoxe, 15 de xaneiro de 2024 e ata o 5 de febreiro, está aberto o prazo para a reserva de praza en centro adscrito para o vindeiro curso 2024-2025.
Todas aquelas familias de 6º de Educación Primaria do centro que desexen matricular ás súas fillas e fillos no IES Breamo, teñen varios modos de facelo:
- Devolver ao CEIP Plurilingüe Eladia Mariño a solicitude que se adxunta (tamén se pode pedir este impreso no centro, se así se desexa).
- Cubrir a solicitude dende a aplicación "Admisión Alumnado", imprimila e entregala no centro.
- Cubrir a solicitude dende a aplicación "Admisión Alumnado", e entregala a través da sede electrónica.
Para máis información acceder á aplicación: Admisión alumnado ou preguntar na secretaría do centro.
FELICES FESTAS!
As nenas e nenos do Eladia Mariño queren desexarvos unhas felices festas e que disfrutedes moito destes días, rodeados de familia e amigos.
Para iso, deixámosvos o noso programa especial Nadal, de Radio CABANAS, titulado "UN NADAL DE CINE" Esperamos que disfrutedes da súa escoita e visionado.
Ata xaneiro!
DÍA DO PEÓN E INTERCAMBIO CO COLEXIO DA CAPELA
Xunto coa celebración do Magosto con todas as familias, este día tamén se celebrou no colexio o Día do Peón, onde o alumnado elaborou os seus peóns e bailaretes para intercambiar logo entre o alumnado do centro e tamén co CEIP Pluringüe Mosteiro de Caaveiro, o cole do Concello da Capela.
Foi unha experiencia moi enriquecedora para todos e da que disfrutamos moito.
Xa sabedes que como di o dito: Polo San Martiño, Peóns ao camiño!
LECTURA E FAMILIAS: O APALPADOR E A NENA SEN MEDO. Contacontos con monicreques para o Nadal. ANPA O CASTIÑEIRO.
O xoves da próxima semana, como remate de trimestre, estará no noso cole A Xanela do Maxín co seu contacontos "O Apalapador e a nena sen medo": https://axaneladomaxin.com/espectaculos/o-apalpador-e-a-nena-sen-medo/
A entrada é de balde, pero cun aforo limitado, polo que as persoas interesadas podedes inscribirvos no correo: anpa.o.castineiro@gmail.com
Nota informativa. REVISIÓNS BUCODENTAIS. CONCELLO DE CABANAS.
Nota informativa. BONO DEPORTE XUNTA DE GALICIA. CONCELLO DE CABANAS.
NADAL SOLIDARIO 2023. ACTIVIDADES PROGRAMADAS.
Este Nadal queremos aportar o noso gran de area dende o centro e queremos facelo colaborando coa ASOCIACIÓN COMETA, organización sen ánimo de lucro que dende o 2004 fai un traballo incansable polo benestar dos animais da zona de Narón e arredores. O seu obxectivo principal é protexer e cuidar aos animais que se abandoan, maltratados ou que se atopan en situación de risco.
Deixamos a continuación a forma de participar dende o centro.
Tamén vos deixamos a programación do centro para este días.
ELABORA O TEU ADORNO PARA A ÁRBORE DE NADAL
Achéganse a época de Nadal, e como en anteriores anos, precisamos a vosa colaboración para poñer a árbore do centro ben bonita.
A continuación deixamos cal será o motivo decorativo deste curso.
Estes días de ponte poden ser uns días perfectos para elaborar en familia o voso adorno.
A disfrutar creando!
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »