QUEN BEN O PASAMOS DE EXCURSIÓN

10/07/2023 16:06
Europe/Madrid

Deixamos a continuación, os vídeos elaborados polo mestre Gonzalo das saídas a pobo Aventura e á Cooperativa Campo Capela, para que os protagonistas destas saídas poidades disfrutar recordando estás excursións.

O vindeiro curso, seguiremos viaxando!

 

SAÍDA A POBO AVENTURA

3º E 4º DE EDUCACIÓN PRIMARIA

 

 
SAÍDA CAMPO CAPELA
4º EDUCACIÓN INFANTIL
 
 

SEMANA DAS LETRAS GALEGAS 2023

22/05/2023 14:39
Europe/Madrid

 

Xa tedes dispoñible o resumo de actividades que se levaron a cabo na Semana das Letras Galegas neste curso escolar.

Grazas a todo o alumnado e familias que participáchedes destas actividades.

Neste primeiro vídeo podedes ver un resumo da obra teatral realizada pola aula de 5º de educación infantil sobre a vida e obra do autor Francisco Fernández del Riego, momentos da realización do mural de Laura Romero "Mulleres Galegas Ilustradas" e entrevista na radio; por outra banda a exposición e lectura no patio dos Minilibros elaborados polo alumnado. Por último, veredes o derradeiro momento, co acto final, onde familias, rapazada e profesorado do colexio cantaron, acompañados do son de gaitas, o himno galego.

 

 

Este segundo vídeo recolle a actividade "O galego dá moito xogo", realizada nas sesións de educación física e psicomotricidade.

 

 

Por último deixamos o produto final do mural de Mulleres Galegas Ilustradas de Laura Romero, xunto cun enlace ao podcast da entrevista, que o alumnado de 6º de educación primaria lle realizou nese día, dende a nosa radio escolar "Radio Cabanas".

 

http://www.edu.xunta.gal/centros/ceipeladiamarino/node/689

Grazas ao Concello de Cabanas e a ANPA o Castiñeiro pola súa colaboración nestas actividades.

Dende o equipo de EDLG, deixamos un enlace ao Blogue Dálle á lingua, do Eladia Mariño, onde podedes ver un resumo das distintas actividades realizadas durante o curso escolar relacionadas co fomento do uso do galego no centro:  https://eladiadallealingua.blogspot.com/

 

REXISTRO DE USUARIOS E COLABORADORAS/ES DE COMEDOR 23/24

Xa están dispoñibles os rexistros de usuarios do comedor escolar para o curso próximo. Así como o rexistro de aquelas persoas que queiran colaborar no noso comedor, animádevos!

Todas as persoas que queiran facer uso do comedor escolar, deberán cubrir o formulario de rexistro e entregalo, ou na secretaría do centro, ou polo correo electrónico ceip.eladia.marino@edu.xunta.gal 

O prazo de solicitude irá dende hoxe, 4 ao 14 de xullo. De forma excepcional, está aberto o prazo do 1 ao 8 de setembro. Recordade que o horario de secretaría no mes de xullo é de 10:00 a 13:00.

Deixamos a continuación os documentos de rexistro.

         

EXPO FIN DE CURSO

29/06/2023 19:06
Europe/Madrid

Con este precioso vídeo montaxe, elaborado polo mestre Gonzalo, ao que dende aquí queremos darlle unha merecida ovación polo traballo realizado neste curso escolar en relación coa montaxe de material audiovisual, despedímonos do Proxecto Documental Integrado deste curso escolar ""A Volta ao Mundo", onde toda a rapazada do centro se involucrou e disfutou ao máximo durante todo o curso escolar. 

 

Tamén queremos darvos as grazas ás familias, pola gran acollida, bo facer e todas as palabras de agracedemento recibidas estes días sobre a EXPO final. 

Pasade un feliz verán! O equipo de mestras e mestres do Eladia Mariño!

 

XORNADA ERASMUS + E OUTRAS MOBILIDADES

Hoxe día 29 de xuño do 2023 varias mestras do noso claustro compartiron distintas experiencias Erasmus organizadas polo CFR de Ferrol e outras mobilidades.

Foi unha xornada moi enriquecedora!

 

 

 

 

 

FONDO SOLIDARIO LIBROS DE TEXTOS E MATERIAL ESCOLAR CURSO 23-24

27/06/2023 17:16
Europe/Madrid

Dende hoxe, 28 de xuño, atópase no taboleiro da entrada do colexio a relación de admitidos e excluídos para as axudas do Fondo Solidario de libros de texto e axudas para compra de libros e material escolar.

No seguinte enlace, introducindo o DNI do solicitante, podedes acceder á resolución da solicitude.

https://www.edu.xunta.gal/fondolibros/prv/CidadanSolListaxe-buscar.action

Recordade que, dende hoxe, hai dous días hábiles para reclamacións a esta resolución.

Será o vindeiro 3 de xullo cando se publique a listaxe definitiva, podendo pasar a recoller os vales dende o seguinte día, 4 de xullo.

 

PRAZOS DE RESOLUCIÓN DAS SOLICITUDES DE FONDO DE LIBROS

25/06/2023 22:54
Europe/Madrid

 

TAMÉN QUEREMOS RECORDARVOS QUE DURANTE ESTE PERÍODO, O HORARIO DE ENTREGA E RECOLLIDA DE DOCUMENTACIÓN NO CENTRO SERÁ DE 10:00 A 13:00 HORAS.

PARA CALQUERA CONSULTA, PODEDES TAMÉN CHAMAR AO TELÉFONO DO CENTRO 981431848 OU ESCRIBIR AO NOSO CORREO ELECTRÓNICO: ceip.eladia.marino@edu.xunta.gal

MATERIAL ESCOLAR E LIBROS DE TEXTO PARA O CURSO 2023-2024

14/06/2023 23:28
Europe/Madrid

Dende hoxe tedes dispoñible nos seguintes enlaces o listado de material escolar e de libros de texto para o vindeiro curso 2023-2024. 

                  

 

                

 

    

TRÍPTICO INFORMATIVO DA EXPO "A VOLTA AO MUNDO".

Como sabedes o próximo martes 20 de xuño celebraremos a EXPO fin de curso, para pechar o noso proxecto anual "A volta ao mundo". 

Hoxe deixamos publicado o tríptico con toda a información de ese día. As familias poderedes ir entrando ao centro ás 10:15, xa que as exposicións do alumnado comezan ás 10:30. O peche da Expo será ás 13:30, momento de rexistrar a saída das familias que marchen cos seus fillos e fillas (os que non queden ao comedor). Esta saída será polo portalón grande.

Esperámosvos a todos e todas con moita ilusión.

Distribuir contido