Viva La Pepa!
A Constitución de Cádiz, coñecida como La Pepa por ter sido promulgada o día de San Xosé, foi a primeira carta magna aprobada en España
Tal día como hoxe do ano 1812 promulgouse a Constitución Política da Monarquía Española que elaboraran as Cortes Xerais e Extraordinarias en Cádiz, entón asediada polas tropas napoleónicas. O día foi elixido por ser o cuarto aniversario da chegada ao trono de Fernando VII e os actos contaron cunha ampla resposta popular malia ser un día tormentoso.
As Cortes (coñecidas como Cortes de Cádiz) elaboraran un texto longo, de 384 artigos agrupados en 10 títulos, no que se establecía unha monarquía parlamentaria con división de poderes, un lexislativo unicameral elixido por sufraxio universal indirecto e amplas liberdades civís e políticas.
Non obstante a vixencia deste texto legal foi curta: estivo en vigor ata o 4 de maio de 1814, candoFernando VII restaurou o absolutismo, e foi restaurada en 1820-1823 e 1836-1837.