Con motivo da celebración do Día Internacional da Muller , dende a Biblioteca

recomendamos algunhas lecturas que poden dar lugar á reflexión:

"O PAÍS DOS MANDÓNS " e " O SEGREDO DE FLORA".

      No País dos Mandóns  uns   cantos 

  mandan  sobre   o resto e non  permiten 

  que as  nenas, as mamás ou as   avoas,

  xoguen, saian ou traballen fóra das súas

  casas. 

No Segredo de Flora  ,Flora ten un segredo fantástico, aprendeu unhas

palabras máxicas que a axudan a non sentir enfados nin ganas de pegar:

         “1,2,3 o enfado polas mans. 

                         1, 2, 3 o enfado polos pés. 

                                      1, 2, 3,o enfado xa se vai. 

                                                               1,2,3 o enfado xa o botei” 

Dende a biblioteca recomendámosvos a lectura de " Os fillos do mar", do escritor Pedro Feijoo (Vigo 1975).

"Os fillos do mar " a primeira novela deste escritor, foi finalista do prestixioso Premio Xerais de Novela 2011 e gañadora do Premio Literario "Arcebispo Juan de San Clemente" 2013,sendo un fenómeno literario en Galicia , con cinco edicións completas en menos dun ano, e clamor unánime por parte da crítica e público.

                                                                    Pedro Feijoo

O escritor se nutre dos rincóns e edificios da cidade de Vigo para ambientar a súa obra, que relata unha peculiar busca do tesouro de Rande por parte dos nazis.

A Asociación de Escritores en Lingua Galega (AELG) acordou outorgar ao escritor Xavier P.Docampo o galardón "Escritor na súa Terra - Letra E" neste 2014.

Mestre xubilado ,actor de teatro , autor e director de guións para cine,radio e vídeo e tamén co-autor das series Canles e Labia de libros de texto para o ensino en Lingua Galega , publicados por Xerais.

Autor dunha extensa obra narrativa , ten traducidos boa parte dos seus títulos nas linguas peninsulares.

Entre as súas obras para un público infantil e xuvenil están:Cando petan na porta pola noite,(Xerais 1994),  O armario novo de Rubén (Xerais 1989), A nena de auga e o príncipe de lume (Xerais 1990-2012), A casa do porco bravo e Roxelio e a couza (Xerais 1991); Adelaida, Henrique e demais familia (1996); Nube de neve (2000), ¿Víchela, víchela? (2001), Os ollos de Ramón (2001); A decisión de Valerio (Xerais, 2005)

Seguindo o itinerario lector, os alumnos e alumnas de 6º están a ler

"Charlie y la fábrica de chocolate" de Roald Dahl.

Este vídeo mostra un fragmento desta obra levada ao cine.

Fíxate nos   cambios que observas despois de ler o capítulo 

correspondente.