Axudas á escolarización e bolsas de comedor escolar do Concello de Ferrol. Curso 2022-2023

Publicadas as bases reguladoras da convocatoria de axudas á escolarización e bolsas de comedor escolar para o curso 22/23 na web do Concello de Ferrol.

Estas bases teñen por obxecto regular o procedemento para a concesión de axudas, destinadas ás familias do Concello de Ferrol, nel empadronadas, que cumpran cos requisitos establecidos nestas bases e que teñan menores a cargo escolarizados nos centros educativos que se atopen dentro do termo municipal de Ferrol durante o curso 2022/2023.

Establécense dúas liñas de axudas:

• Liña 1.–Bolsas de comedor escolar: dirixidas a menores que residan en Ferrol e estean matriculados nun centro de ensino público ou concertado da cidade e que cursen: Educación Infantil, Primaria e centros de educación especial da cidade. Tanto nos centros públicos como nos concertados as axudas poderán ser en concepto de almorzo e/ou xantar.
• Liña 2.–Axudas escolarización (material escolar): dirixidas ás persoas menores de idade que residan en Ferrol e estean matriculados nun centro de ensino da cidade e que cursen: Educación Infantil, Primaria, Secundaria, Bacharelato, Formación Profesional Básica (nas súas diferentes modalidades) e Formación Profesional de Grao Medio.

Podes consultar o documento completo ou descargar a solicitude no arquivo adxunto.