CEIP de Bormoio-Agualada

Revista Leria Curso 2021-2022

Xov, 23/06/2022 - 12:00

https://www.calameo.com/read/006148980eaff0777d9d2

Este trimestre estivemos estimulando a linguaxe a través dun elemento cultural como é o pan. Para iso, coñecemos a procedencia do pan ata os instrumentos que precisamos para plantalo. Para rematar, fomos cociñeiros realizando unha receita saudable.

Agardamos que vos guste.

Boas vacacións dende Audición e Linguaxe.

https://youtu.be/fUe2KksIymk

Libros de texto

Ven, 17/06/2022 - 12:40

Bo día,

Facemos algunhas aclaracións:

-Os libros de texto de Educación Infantil e 1º e 2º de Educación Primaria serán publicados máis adiante, á espera de coñecer a distribución das aulas no vindeiro curso. (Actualmente non sabemos a configuración das unidades no vindeiro curso 2022-2023)

-Este ano coa entrada da LOMLOE Lei orgánica 3/2020, do 29 de decembro, polo que se modifica a Lei Orgánica 2/2006, do 3 de maio, de Educación, cambian os libros de texto en 3º e 5º de educación primaria para o vindeiro curso (2022-2023)

-En 3º e 5º aparecerá unha nova materia, a alternativa á relixión, xa non será valores sociais e cívicos, agora será proxecto competencial.

-Todos os activity books (na materia de inglés) non entran en fondolibros, posto que é material funxible.

-A resolución do fondolibros será a partir do 22 de xuño do 2022.

3º E 5º DE EDUCACIÓN PRIMARIA

Os libros de relixión e música entran en fondolibros, non obstante non están publicados á espera da decisión (de empregar libro de texto ou non) do profesorado que impartirá estas materias.

4º E 6º DE EDUCACIÓN PRIMARIA

Os libros de relixión entran en fondolibros, non obstante non está publicado á espera da decisión (de empregar libro de texto ou non) do profesorado que impartirá esta materia.