Rematamos o curso pasado cunha magnífica feira científica na que presentamos á comunidade educativa todo o que aprendemossobre a orixe do mundo: Big-bang, aparición das primeiras formas de vida... e xustamente este ano empezamos no momento da liña do tempo no que o deixamos o ano pasado: a prehistoria.

Para isto, empezamos coa rutina de pensamento: vexo, penso e pregúntome que nos serve entre outras cousas, para explorar ideas e construír debate a partir das ideas xeradas.

Realizamos esta rutina a partir de diferentes imaxes do paleolítico e nos equipos cooperativos. Unha vez suscitada a motivación inicial, a través de diferentes fontes, sobre todo fontes audiviosuales fomos avanzando neste momento histórico.

A aparición do lume, a invención da roda... foron algúns dos acontecementos fundamentais que aprendemos sobre esta epoca. Algo que nos chamou moito a atención foi a arte rupestre, puxémonos ao choio e fixemos a nosa propia versión deste tipo de arte.

A maiores, e relacionado con isto, Thais contounos que estivera na cova de Altamira e alí puido observar pinturas rupestres de verdade.

Aproveitamos que teniamos unhas lentes de realidade virtual no cole e coa axuda da profe Iria viaxamos todos ata Altamira! Foi unha experiencia xenial!

Despois de todo isto demos paso á Idade Antiga, onde tivo lugar a aparición da escritura, aprendemos a súa evolución e fixemos unha réplica dunha tablilla de escritura mesopotámica. Esta escritura era pictográfica, é dicir, utilizaba pequenos debuxos e aos poucos foi evolucionando ata o primeiro alfabeto.

Tamén aprendemos sobre Exipto e os faraóns, e sobre Grecia e Roma e organizamos toda a información en pequenos esquemas con palabras clave inicándonos deste xeito no tratamento da información.