Hai uns días as nenas e nenos de educación infantil tivemos unha visita moi especial, a de Mika, a cadela de Andrea da clase de 5 anos. A trouxo Silvia, a nai de Andrea, para facer unha demostración de todas as cousas que sabe facer: bailar, saudar, saltar, deitarse cando lle mandan...

Pero isto non foi todo, Silvia contounos a historia de Mika dende que chegou de cachorra a súa casa ata o seu paso pola escola de cans. 

Fixeron unha pequena exhibición de "axility". 

Finalmente as nenas e nenos puideron facer de adestradoras e adestradores guiando a Mika polo circuito. 

A verdade que esta Mika é toda unha artista! Moitas grazas a Silvia pola visita e a actividade tan fermosa.