Skip to Content

EDLG

Iniciamos un novo curso

Mér, 13/09/2023 - 23:47 — biblioteca

Aquí estamos de volta!!!

Dámoslles unha benvida moi especial ao alumnado de 4º de EI.

PREME NA IMAXE PARA VER TODOS OS CURSOS

 

RADIO NA BIBLIO, A FESTA DO MAIO

Mér, 31/05/2023 - 18:34 — biblioteca

Na mañá do mércores, 31 de maio, o alumnado de 5º de Primaria gravou un novo programa de RADIO NA BIBLIO.

Nesta ocasión presentan un traballo de investigación sobre a Festa do Maio en Viveiro e fálannos da importancia de conservar as tradicións populares.

A música é a canción do Maio que cantamos todos os colexios do Concello de Viveiro para festexar esta gran festa.

 

LETRAS GALEGAS 2023

Lun, 15/05/2023 - 09:35 — biblioteca

AS NOSAS LETRAS GALEGAS

Presentamos hoxe algúns dos traballos realizados para conmemorar a figura de Francisco Fernández del Riego, autor homenaxeado nas Letras Galegas 2023.

O alumnado de 3º de Primaria presenta o vídeo que recolle a biografía do autor.

Programa de Radio na Biblio realizado polo alumnado de 6º de Primaria onde se recolle a obra do autor.

 

 

CALENDARIO POÉTICO

Mér, 26/04/2023 - 10:28 — biblioteca

Presentamos hoxe un traballo que estivemos realizando durante este curso sobre o libro CALENDARIO POÉTICO, do poeta Xoán Neira, que estivo no noso colexio o 9 de febreiro presentando o seu libro para todo o alumnado.

O traballo consistiu en reproducir con debuxos os poemas de cada mes, logo gravaron en audio o recitado dos poemas para rematar presentando todo o traballo en vídeos que podemos ver no seguinte enlace:

VÍDEOS NO CANAL YOUTUBE DO COLEXIO

 

 

SEMANA DO LIBRO NO COLEXIO

Sáb, 15/04/2023 - 11:27 — biblioteca

Imos entrar na semana do Día do Libro ( 23 de abril), por iso a Biblioteca, aulas e equipos están preparando moitas actividades:

  • Exposición de libros novos e sobre Miguel de Cervantes: Don Quijote de la Mancha.

 

 O alumnado de 6º de Primaria realizou un programa de Radio na Biblio, sobre recomendacións lectoras.

  • Tamén faremos unhas sesións de contacontos para Infantil e Primaria nas horas de ler. As representacións estarán realizadas polo alumnado de 2º de Primaria e foron  preparadas na aula de inglés coa colaboración do auxiliar de conversa Johan.
  • Deixamos aquí o enlace á páxina especial do Día do Libro onde poderedes ver as diferentes actividades que realizamos en cursos anteriores

PREME NA IMAXE

HOMENAXE A ROSALÍA DE CASTRO

Xov, 23/02/2023 - 19:23 — biblioteca

Hoxe, 23 de febreiro é o día de Rosalía de Castro; para conmemorar este día realizamos un mural coas caras das nenas e nenos do colexio dentro do rostro de Rosalía, acompañados de palabras que expresaban diferentes emocións.

PREME NA IMAXE PARA VER O VÍDEO

Despois do recreo xuntámonos todos no ximnasio do colexio para homenaxear a Rosalía cun Recital Poético-Musical.

Participamos todo o alumnado e profesorado cantando todos os poemas de Rosalía  que foron musicados pola mestra de música, Marta Pérez, desde o ano 2013 ata este curso:

HAS DE CANTAR (Cantares Gallegos) (PROFESORADO)

 

PASA RÍO, PASA RÍO (Cantares Gallegos) (INFANTIL)

 

VIUDAS DOS VIVOS… (Follas novas) (5ºE 6º)

 

NASÍN CANDO AS PRANTAS NASEN (Cantares Gallegos) (3º E 4ª)

PASENIÑO, PASENIÑO (Cantares Gallegos) (1º E 2º)

“TECÍN SOIA A MIÑA TEA” (Follas novas)(TODOS)

 

 O alumnado de 5º de Primaria preparou un pequeno podcats sobre Rosalía de Castro e podedes velo no seguinte vídeo.

GRAN FESTA DE ENTROIDO

Sáb, 18/02/2023 - 10:53 — biblioteca

O venres, 17 de febreiro, o colexio encheuse de disfraces moi diversos e divertidos. Foi un día moi especial pois realizamos o xa tradicional desfile polas rúas do Chao, acompañáronnos as familias que estaban desexosos de ver desfilar ás nenas e nenos. O tempo tamén nos acompañou, lucía un sol expléndido que convidaba ao paseo.

Despois do desfile degustamos os típicos doces de Entroido: rosquillas, orellas, fereixós... Rematamos bailando e xogando ao noso xeito e pasámolo moi ben!. 

Nos seguintes enlaces podemos ver o que fixemos como preparativos para esta celebración. Tamén deixamos o vídeo do desfile.

ENTRAMOS NO ENTROIDO

ACTIVIDADES DE ENTROIDO

 

 Tamén podedes escoitar unhas entrevistas realizadas polo alumnado de 6º de Primaria durante o desfile.  O son non é moi bo pero vale moito máis a súa iniciativa. Un aplauso polo seu entusiasmo!!!

ACTIVIDADES DE ENTROIDO

Xov, 16/02/2023 - 11:31 — biblioteca

Unha semana chea de actividades:

  • Unha exposición de máscaras e elementos dos Entroidos máis característicos de Galicia
  • Exposición de Caroutas
  • Desfile dos Peliqueiros de 5º de Infantil.

PREME NAS IMAXES

 

RECANTO DO INVERNO

Mar, 14/02/2023 - 13:03 — biblioteca

E xa está listo o recanto que dedicamos ao inverno; nesta ocasión todos os cursos de Primaria fixeron un cadro con algo relacionado co inverno: unha paisaxe, unhas noticias... e tamén os meses de xaneiro e febreiro do "Calendario Poético" do escritor Xaón Neira.

PREME NA IMAXE

ENTRAMOS NO ENTROIDO

Ven, 10/02/2023 - 17:08 — biblioteca

E  xa queda pouco para O Entroido,  unha festa que no noso colexio celebramos con moita ilusión. Presentarémosvos moitas actvidades que estamos a facer:

  • Unha exposición de máscaras e elementos dos Entroidos máis característicos de Galicia
  • Exposición de Caroutas
  • Desfile dos Peliqueiros de 5º de Infantiil
  • "O MECO MANDA", durante a  seguinte semana teremos que traer vestido o que nos mande... No vídeo podemos ver os mandatos
  • Tamén podedes seguir o noso INSTAGRAM

PREME NA IMAXE

Distribuir contido


by Dr. Radut