4. ORIENTACIÓNS PARA O ESTUDO E A CONVIVENCIA
Aspectos importantes:
1º É importante estimular e favorecer o estudo e traballo persoal do alumno e da alumna, fomentando os hábitos de traballo cunha dedicación temporal diaria segundo a súa idade e curso.
2º Débese programar adecuadamente o xogo e tempo libre do neno e da nena, de modo que a hora de deitarse sexa a adecuada á súa idade.
3º É conveniente interesarse polo seu traballo diario e seguir a súa evolución en estreita relación co mestre e mestra, que corresponda.
4º Axudar a adquirir habilidades que permitan desenvolverse con autonomía no ambito familiar e escolar.
5º Valorar a corresponsabilidade no traballo doméstico e no coidado das outras persoas, así como unha actitude contraria á violencia, aos prexuízos de calquera tipo e aos estereotipos sexistas.
6º Colaborar estreitamente co profesorado na consecución, control e mantemento de hábitos de convivencia e respecto mutuo.
