Arts and Crafts

A última proposta deste ano 2020 para Arts & Crafts consistiu nun flipbook, ou folioscopio, unha idea coa que se lles quere facer ver a orixe do cine, e tamén unha maneira de que saiban crear animación de forma totalmente voluntaria, por suposto.
Na ligazón podemos ver algunhas das mellores propostas.

Propostas de deseño de ideas utilizando máscaras Covid

A principios do ano 2020, a institución Snithsonian deu libre acceso a millóns de imaxes relacionadas coas súas coleccións en dezanove museos.
En colaboración coa mesma institución, os ilustradores Jon Scieszka e Steven Weinberg elaboraron unha proposta para deseñar unha especie de figuras animais a través do collage, mesturando as imaxes liberadas pola institución Smithsonian, proposta que pode descargarse no arquivo pdf desta páxina, e todo iso tamén pode verse no vídeo de Youtube dos propios ilustradores explicando isto.
Foi unha das propostas para a clase de Arts&Crafts durante o confinamento mantido no terceiro trimestre do curso escolar 2019/2020, e os resultados poden verse no noso canal de Youtube.

En pleno confinamento polo Covid-19, este foi un dos traballos realizados para Arts & Crafts, ou Plástica plurilingüe, polo alumnado de primaria, dende as súas casas.

Seguindo a proposta da Secretaría Xeral de Igualdade, tratamos de promover a reflexión sobre esta loita no noso centro educativo, polo que se lle propuxo ao alumnado a idea de elaborar uns lemas para este día, e sensibilizar sobre a importancia que ten este tipo de valores.