Este curso celebramos os dereitos da infancia con actividades diversas, ademais de elaborar este vídeo cunha canción escrita pola profesora do noso centro, Lidia Gil Diz.

O día 25 de novembro celebramos o día internacional da eliminación da violencia contra a muller. Este ano elaboramos un vídeo conmemorativo co alumnado do centro.

Quixemos rematar este curso tan especial e "protocolario" con algunhas actividades coas que participou todo o alumnado e profesorado do centro. Ao mesmo tempo, despedímonos, con certa tristura pero con moito orgullo, dos nosos alumnos e alumnas de sexto de primaria, que se irán para outra etapa educativa o vindeiro curso e recibimos ao mesmo tempo, moi ilusionados, ao alumnado que vai iniciar a etapa da primaria.

DÍA DE ROSALÍA 2021

        Todas as aulas celebramos este curso 2020-2021 o Día de Rosalía con actividades que nos lembraron a súa memoria: debuxos, recitado de poemas, cancións, etc.

      Unha das actividades, por exemplo, este ano foi cantar un dos seus poemas, neste caso procedente do seu libro "Follas Novas", ao estilo de rock.

Día de Rosalía 2018

     O alumnado de 4º, 5º e 6º niveis de Primaria recitaba o poema "Negra sombra" de Rosalía de Castro para conmemorar o 24 de febreiro, Día de Rosalía, e así participar na proposta #AbrideAFiestra​ da Asociación de Escritores en Lingua Galega (AELG).

     Como todos os anos, celebramos o Entroido. Este ano non puidemos celebralo cos nosos amigos de Cualedro e Baltar, nin co resto de colexios da comarca da Limia, debido as circunstancias da pandemia, pero sabemos que outro ano será diferente, e qué dúbida cabe, volveremos a vernos e a disfrutar todos xuntos.

     Aquí queda unha mostra de todo o ben que o pasamos no cole este día, nenos e profes.

Día da Paz 2021

Este ano, para conmemorar o Día da Paz, escollemos tres personaxes importantes en relación co seu labor en pro da paz e dos dereitos humanos: Malala, Nelson Mandela, e Corazón Aquino. En cada aula leváronse a cabo diferentes actividades informativas e preparatorias e finalmente grabamos un vídeo conmemorativo.

Festival de Nadal 2020

Este ano, debido á situación sanitaria, non foi posible celebrar o festival de Nadal, como se fixo noutras ocasións, contando coa presenza das familias. Por dito motivo, decidimos gravar as actuacións do alumnado e presentalas para o seu visionado a través da canle en Youtube.

Así pois, confiemos en que a situación mellore. En calquera caso, agradecemos sempre o esforzo e a colaboración das familias co centro e o profesorado, tendo en conta o feito de que tivemos un comezo de curso moi diferente, organizado e seguro, e un trimestre que xa se nos foi case voando. A todos, e especialmente aos pequenos campeóns, ánimo e forza, e que o ano 2021 nos devolva tanto os momentos colectivos como as actividades conxuntas!

Letras Galegas 2023: Francisco Fernández del Riego

     Este ano 2023 dedicóuselle o día das Letras Galegas a D. Francisco Fernández del Riego, o escritor lucense que viviu a maior parte da súa vida en Vigo

     Como todos os anos, tratamos de coñecer a súa vida e obra literaria e realizamos actividades varias, utlizando os recursos que sobre este autor existen na rede.

Letras Galegas 2022: Florencio Delgado Gurriarán

 O día das Letras Galegas deste ano foi dedicado ao autor Florencio Delgado Gurriarán, escritor valdeorrés que viviu entre Galicia e América. Por tal motivo, no noso centro levamos a cabo actividades diversas, entre elas lectura de poemas, actividades plásticas e unha xincana con cuestións sobre a súa vida na que participou todo o alumnado do centro, como unha actividade colaborativa na que os maiores traballaron xunto cos máis pequenos.

 LETRAS GALEGAS 2021: XELA ARIAS

Este ano celebramos o día das letras galegas no noso centro conmemorando a Xela Arias, unha escritora lucense que foi tradutora e tamén escribiu varios libros de poesía, un dos cales se titula "Darío a diario", con poemas dedicados integramente ao seu fillo Darío.
Como actividade para este ano, o alumnado de 5º e 6º de Primaria recitou uns poemas do libro antes mencionado.

Letras Galegas 2020: Ricardo Carballo Calero

Para conmemorar o Día das Letras Galegas este curso escolar no que estiveron confinados, pedíuselles aos nosos alumnos de 5º e 6º de Primaria colaboración para o recitado do poema "Ferrol 1916", un  poema de D. Ricardo Carballo Calero , a quen está dedicado este ano 2020 o Día das Letras Galegas, que evoca a súa infancia, a nenez que viviu en Ferrol. Agradecemos o traballo feito a todo o alumnado que finalmente puido colaborar. Feliz Día das Letras Galegas!

Este traballo foi realizado polos alumnos e polas alumnas de 2º e 3º de Educación Primaria do “CEIP Plurilingüe Os Blancos”, durante o curso escolar 2.018 - 2.019, para celebrar o Día da Constitución.
O traballo do mestre e titor deste grupo de alumnos e alumnas, en relación á elaboración da presente Constitución, consistiu en explicar artigo por artigo, punto por punto e disposición por disposición, a “Constitución Española do 6 de decembro de
1.978”. As miñas explicacións adapteinas sempre ó nivel de compresión destas nenas e nenos –lembremos que teñen entre 7 e 8 anos-.
O seu traballo foi realmente o importante: tiveron que escoitar as miñas explicacións para logo expoñer as súas ideas sobre as mesmas e posteriormente votar para decidir entre todo o grupo-clase se se mantiña cada aspecto tratado na “Constitución Española do 6 de decembro de 1.978”, se o modificaban, se o suprimían ou, incluso, se introducían algo novidoso en relación ó texto da citada “Constitución de 1.978”.
Os alumnos e alumnas de 3º elaboraron completamente esta norma, contando tamén co alumnado de 2º curso durante a maior parte do traballo, aínda que non na totalidade do mesmo.

Abaixo teñen o resultado obtido:

1.-Constitución de Os Blancos proposta polos nenos, versión en Castellano.

2.-Constitución de Os Blancos proposta polo grupo de nenos, versión en Galego.

O contacontos Anxo Moure veu ao  noso centro para contarnos as historias das árbores do bosco. Historias que sempre deixan encantados aos nosos nenos coas que aprenden tamén os conceptos básicos de paz, solidariedade, esperanza...

Preme no debuxo para ver as fotos do álbum: