O CEIP da Barqueira, acolle estes días a exposición itinerante "Galicia, biodiversidade". Esta actividade foi programada coa colaboración do Concello de Cerdido e está promovida pola Consellería de medio ambiente e desenvolvemento sostible.
A mostra achega, a través de paneles expositivos, a diversidade de ecosistemas e variedades xenéticas que se conservan en Galicia; ao mesmo tempo trata de promover comportamentos positivos cara á conservación da natureza.
O venres, día 16, proxectarase un DVD ao alumnado sobre o tema e a continuación terá lugar unha charla explicativa. Esta charla será impartida por Almudena Ramos, pertencente á empresa CEM (cooperativa de educación mediambiental), que por segundo ano consecutivo se achega a este centro para dar a coñecer ao alumnado as nosas riqueza naturais e conciencialo da importancia da súa conservación.