Como xa sabedes, xa no mes de Outubro, inauguramos unha nova rutina na nosa aula. Así, todos os Mércores, levamos a cabo un obradoiro científico co que pretendemos achegar ós pequenos/as ó coñecemento dos fenómenos naturais e físicos do seu contorno máis próximo. Neles, os nenos/as descobren, coñecen, comprenden e reflexionan, nas referencias que lles son propias, sobre aspectos científicos como a luz, a auga, o magnetismo...
Ó mesmo tempo, permítenos traballar dunha forma globalizada, outros aspectos como a lecto- escritura, a lóxica - matemática e mesmo a capacidade creativa e plástica.
Pouco a pouco, este día, converteuse no noso día favorito da semana. Aquí tedes algún dos nosos experimentos:
CAPILARIDADE.
Seguindo a mesma liña de como "beben" auga as árbores, confecionamos os nosos pequenos "pontes" con servilletas e observamos pacientemente como a auga iba subindo polos capilares do papel. Este expermiento permitiunos comprobar tamén a mistura das cores primarias para obter outras cores secundarias. ¡FOI INCRIBLE!
TENSIÓN SUPERFICIAL.
Creo que foi o experimento que, sen dúbida, máis nos costou. Necesitamos dun excelentísimo pulso para levalo a cabo e conseguir que os nosos clips flotarán enriba da "capa" da auga. Posteriormente, cunha simple gota de xabón, conseguíamos romper esa tensión superficial que fai que algunhas cousas floten na auga.
LEITE MÁXICA.
Seguindo a liña da tensión superficial, que no caso da leite, manténse pola grasa deste líquido. Así, conseguimos facer auténticas obras de arte con colorante alimenticio e xabón.
¿CÓMO COLLER UNHA MOEDA DUN PLATO DE AUGA SEN MOLLARNOS?
Despois de moitos intentos, comprobamos que o máis complicado se resolvía co máis fácil. Producindo unha falta de osíxeno dentro dun vaso, o propio obxecto absorbía a auga do plato, permitíndonos coller así a moeda sen mollarnos.
FLOTABILIDADE.
¿Cómo conseguir que flote un ovo na auga? ¿E se cambiamos a densidade do líquido elemento con sal?
