I Xornadas de Educación para a Saúde na escola
O pasado 27 de xaneiro o Ceip da Solaina foi invitado á I Xornada de Educación para a Saúde na escola, onde as Consellerías de Sanidade e Educación tiñan previsto a Presentación da “Guía de axuda para programar os menús escolares” un marco de actuación dentro do Plan XERMOLA.
A invitación do colexio ven motivada por mor da consideración que se ten dende fai moitos anos coa nosa campaña de merendas saúdables que facemos no centro antes dos recreos, e que outros centros a imiten polo desenrolo e calidade alimentaria que se lles ofrece aos escolares
En representación do centro foi o director Antón López Anca, quen espuxo o contido deste proxecto do centro
Vos propoñemos que visualicedes a campaña do colexio, o plan XERMOLA e o programa da I Xornada
Un saúdo
A Dirección do centro
Proceso de admisión de alumnado 2015-2016
A Consellería de Cultura, Educación e Ordenación universitaria vén de publicar hoxe, mércores, 28 de xaneiro, o Anuncio do inicio do procedemento de admisión de alumnado para o curso 2015-2016.
- Enlace á publicación da Consellería.
Neste espazo web publicarase toda a normativa, plazos e todas as novas relativas a este proceso de admisión no noso centro.
Cómpre destacar ata o momento:
- O alumnado matriculado ten garantida a súa permanencia
- O alumnado de 6º de educación primaria que vaia continuar os seus estudios de ESO no centro adscrito, IES As Telleiras, presentará no CEIP A Solaina entre o 1 e o 15 de febreiro o Anexo I de reserva de plaza.
ANEXO I (castelán)
ANEXO I (galego)
- A reserva, unha vez realizada, ten carácter vinculante, será incompatible coa presentación de solicitude noutro centro, salvo renuncia expresa antes de que se inicie o prazo de presentación de solicitudes de admisión.
30 de xanerio. Día da Paz
O alumnado do centro celebrará o 30 de xaneiro o Día da Paz.
Nos días previos, os preparativos son diversos. Os nenos e nenas están a forrar con papel de cor marrón caixas aportadas por eles mesmos; caixas que simulan ladrillos e nas que escriben sentimentos ou accións negativas que impliquen actitudes de rexeitamento. Os ladrillos darán forma a un muro que será derrubado o día 30 ao tempo que será lido un Manifesto pola Paz. O derrubamento do muro encerra unha sorpresa e , como tal, gardada para ese día.
A interpretación da canción "A muralla", ensaiada en Educación Musical, porá o borche douro a este día.
Afundación: Múltiple. A arte do gravado de Picasso a Barceló
Este martes, día 20 de xaneiro, o alumnado de 5º A e 5º C e, o mércores, día 21, alumnado de 5º B realizarán unha saída cultural que terá como obxectivo achegarse á cultura da pintura, en concreto á técnica do gravado.
Afundación de Ferrol acolle a exposición "Múltiple: A arte do gravado de Picasso a Barceló", exposición na que a observación e análise dos cadros expostos permitirá ao alumnado desenvolver este técnica e, dun xeito didáctico e lúdico, aplicala para a realización das súas propias pinturas.
Saída 1º de Primaria
Enviado por Anónimo o Xov, 01/15/2015 - 17:24Exposición itinerante InvestigArte
Desde o día 12 de xanerio, o centro acolle a mostra itinerante "InvestigArte, exposición dos científicos de hoxe e do mañá," iniciativa que a Fundación Barrié, no marco do seu proxecto educaBarrié, ofrece aos centros de ensino que o solicitan.
Por iso, A Solaina, na súa aposta por achegar ao alumnado á Ciencia, exhibe estes día as mellores obras artísticas do concurso fotográfico InvestigArte, promovido pola Fundación Barrié e do que podedes atopar máis información na súa web
A mostra que poderá visitarse no centro en horario lectivo ata o venres, 15 de xaneiro, ofrece as diferentes miradas á ciencia desde a prespectiva de investigadores profesionais e alumnos.
O noso agradecemento a educaBarrié por esta iniciativa.
Menús xantar de xaneiro
Achéngase os menús do mes de xaneiro.
Bo Nadal 2014-2015
Hoxe, 19 de decembro, o colexio pechou as súas portas con motivo das vacacións de Nadal ata o 8 de xaneiro e fíxoo por todo o alto. Como é tradición, o alumnado do centro de todos os niveis participou con diversas actuacións no Festival do Nadal e recibiu a visita de Papá Noel, visita que espertou moita expectación sobre todo nos máis cativos.
Bo Nadal!
- « primeira
- ‹ anterior
- …
- 36
- 37
- 38
- 39
- 40
- 41
- 42
- 43
- 44
- …
- seguinte ›
- última »