PROCESO DE ADMISIÓN DO ALUMNADO 2022/2023

 

 

 

 

 

 

 

 

 

    

Ábrese o prazo para a reserva de praza no IES As Telleiras. Data de presentación das solicitudes: do 11 de xaneiro ata o 8 de febreiro: enlace.

Final III Olimpíadas Escolares Narón 12-1-2022

FINAL DAS III OLIMPÍADAS DE SEGURIDADE VIARIA CONCELLO DE NARÓN 2021.


Esta mañá tivo lugar no Pazo da cultura de Narón a fase final das Olimpíadas de Seguridade Viaria para @s alumn@s de 5º de primaria dos colexios de Narón.

Participamos nas olimpíadas cun equipo de alumn@s de 5º curso que representou ao colexio da Solaina na fase final xunto a outros oito equipos dos demais coles.

Nesta fase o equipo tivo que responder a un cuestionario de 30 preguntas sobre os temas de educación viaria, medio ambiente, matemáticas, inglés e igualdade, que previamente tiveron que estudar nas aulas. Con anterioridade, outro alumno e unha alumna de 5º tiveron que realizar unha xincana ciclista de 9 probas no patio do colexio.

O equipo que representou ao colexio nas Olimpíadas este ano estivo formado por : Lara Bey, Izan Galdo, Andrea Casal, Lucas López, Álvaro Casal e Julia Galdo para a fase do Cuestionario e por Irene López e Rubén E. López para a fase da Xincana.

NORABOA A TOD@S POLA SÚA PARTICIPACIÓN.

Concurso Pilabot

Estes días procedeuse ao reparto entre o alumnado do centro dunha caixa de recollida de pilas, con motivo da participación da Solaina no Concurso Pilabot para centros educativos de Galicia. O motivo da nosa participación é o fomento da recollida selectiva de pilas entre o alumnado e as súas familias. Desde o xoves 20 de xaneiro ata o 31 de marzo poderanse depositar as pilas e os acumuladores portátiles (sen a caixa de Pilabot) no colector habilitado para tal motivo na entrada do centro.

Considérase pilas e acumuladores portátiles calquera pila, pila botón, acumulador ou batería que estea precintado, poida portarse coa man e non sexa industrial nin de automóbiles. Teñen esta tipoloxía as pilas botón e estándar e os acumuladores utilizados en calquera aparello presente nos fogares, como mandos a distancia, teléfonos móbiles, computadores portátiles, xoguetes eléctricos e electrónicos, ferramentas portátiles, etc. Para máis información pódese visitar a páxina de Pilabot.

Animámosvos a participar!

 

Campaña de merca e entrega de xoguetes 2021

 

Comeza a Campaña de merca e entrega de xoguetes  2021 para as familias máis desfavorecidas, impulsada polo centro de recursos solidarios Narón, coa colaboración do Concello de Narón.

A campaña vaise desenvolver desde o 1 ao 19 de decembro, posteriormente persoal do centro de recursos solidarios achegarase ao noso centro para recoller os xoguetes doados polas familias.

Campaña de neve 2022

En relación “Campaña de Esquí 2022”, da Deputación da Coruña, o Concello de Narón ten concedidas 14 prazas para a participación na dita Campaña, na 6ª quenda (Do 18 de febreiro ao 21 de febreiro de 2022). As persoas interesados poden inscribirse no Rexistro Xeral do Concello de Narón, no Rexistro auxiliar do Complexo Polideportivo Municipal da Gándara ou a través da Sede Electrónica municipal con data límite o 14 de decembro de 2021.

A túa vella bici vale un sorriso. 2021

 

Como en anos anteriores, comeza o proxecto do Concello de Narón de recollida de bicis, patinetes e bicis estáticas "A túa vella bici vale un sorriso". As familias interesadas en realizar unha doazón ou en recibir unha bici ou patinete por falta de recursos, poderán facelo nas dependencias do Equipo de Educación Viaria do Concello de Narón ou entregalos no colexio ata o último día de clase deste trimestre.

Decora o teu patinete ou bici de Nadal. 2021

Do 1 ata o 21 de decembro o Concello de Narón desenvolve a campaña "Decora o teu patinete ou bici de Nadal". Pode participar libremente o alumnado que estea interesado.

Bases.

 

XORNADA DA IGUALDADE DE XÉNERO. 25-11-2021

O pasado xoves 25 de novembro @s alumn@s de 5º de Primaria celebraron a xornada pola Igualdade e contra a violencia de xénero,dentro das actividades das Olimpíadas escolares organizadas polo concello de Narón.

A actividade consisteu na resolución do panel ¿Quién es ella? no que debían buscar o nome e a foto de 24 persoeiras coñecidas, mediante unha serie de pistas sobre a súa biografía.

Ao mesmo tempo, ían pedaleando por quendas sobre a bici estática seguindo na pantalla as imaxes do percorrido virtual que os levou por tódolos colexios de Narón.

Procedemento de distribución de máscaras entre o alumnado Educación Primaria. Curso 2021-2022

O 12 de novembro publicouse no DOG a ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería, así como en centros privados concertados, no curso 2021/22 (código de procedemento ED330E). Os destinatarios da distribución de máscaras serían:

1. O alumnado de PRIMARIA beneficiario da axuda de material escolar no curso 2021-2022, polo que non é necesario presentar solicitude.

2. O alumnado de PRIMARIA que NON fose beneficiario da axuda de material escolar no curso 2021-2022 que cumpra algunha das seguintes condicións:

  • Que pertenza a unha familia cunha renda per cápita igual ou inferior a 6.000 € (Renda 2019).
  • Que estea matriculado en educación especial.
  • Que estea suxeito a tutela ou garda da Xunta de Galicia.
  • Que teña un grao de discapacidade igual ou superior ao 65%.

Pódese presentar solicitude na secretaría do centro de forma unicamente presencial ata o 26 de novembro, en horario de 10:00 a 13:00 horas, concertando cita no teléfono 881930370.

Máis info.

Anexo I

Anexo II

Anexos I II corrixidos

Distribuir contido