Campañas de Nadal do Equipo de Educación Vial [2022]

O Equipo de Educación Vial do Concello de Narón realiza dúas campañas navideñas:

 1. "Viste o teu patinete e a túa bici de nadal!" - Desde o 1 ata o 20 de decembro de 2022: BASES.

 2. "A túa vella bici vale un sorriso" - Desde 1 de decembro de 2022 ata 4 de xaneiro de 2023.

Máis info.

OBRADOIRO DE ARTRÓPODOS

O alumnado de 3º puido gozar o pasado 25 de novembro dun obradoiro de artrópodos por parte do entomólogo Miguel Santamaría. Na reportaxe podemos observar a interacción dos "bichos" coa rapazada. 

 

25 de novembro: Día Internacional Contra a Violencia de Xénero [2022]

O 25 de novembro, Día Internacional da Eliminación da Violencia contra a Muller, conmemoramos o día con varias actividades para concienciar sobre a necesidade de erradicar esta lacra exercida contra as mulleres.

Por unha parte participamos coa FANPA Ferrolterra no IV Programa Escolar de Ferrolterra pola eliminación da violencia de xénero, coa campaña “ROMPE A CADEA DA VIOLENCIA DIXITAL”.

Doutra banda,acudimos cos outros coles de Narón á IX Andaina/Marcha Ciclista pola Igualdade e contra a Violencia de Xénero. Podes ver aquí, entre outros materiais, unha reportaxe fotográfica sobre os diferentes eventos e o vídeo colectivo da FANPA.

ROMPE A CADEA!

 

 

Campaña de recollida de xoguetes 2022

Comeza a Campaña de merca e entrega de xoguetes  2022 para as familias máis desfavorecidas, impulsada polo centro de recursos solidarios Narón, coa colaboración do Concello de Narón.

A campaña vaise desenvolver desde o 1 ao 20 de decembro, posteriormente persoal do centro de recursos solidarios achegarase ao noso centro para recoller os xoguetes doados polas familias.

Merendas saudables 2022-2023

 Percorrido pola campaña do curso 2014-2015:

 

 

 

 

 

 

 

  

 

 

Samaín 2022

 

 

EXPOSICIÓN DE CABAZAS: As persoas interesadas en asistir á exposición de cabazas decoradas polas familias da nosa comunidade educativa poden acudir ao hall do centro durante a tarde do martes 25 de outubro, en horario de 16:00 a 19:00.

REPORTAXE GRÁFICA SOBRE O SAMAÍN

AMPLIACIÓN DA AXUDA PARA ADQUIRIR MATERIAL ESCOLAR

No DOG do día 14 de outubro de 2022 publícase a Resolución do 5 de outubro de 2022 de concesión directa da ampliación da axuda para adquirir material escolar, regulada na Orde do 29 de abril de 2022, onde se establece que os beneficiarios do vale para adquirir material escolar por importe de 50€ recibirán un vale adicional de 25€. Así mesmo, o alumnado que se incorpore a un centro docente sostido con fondos públicos ao longo do curso escolar e ata o 31 de marzo de 2023, que perciba a axuda para adquirir material escolar da Orde do 29 de abril de 2022, tamén percibirá esta ampliación.

A resolución dispón que as familias poden recoller o vale de 25€ nos centros docentes a partir do día seguinte (hábil) ao da publicación no DOG. Para estes efectos, a aplicación informática Fondolibros permitirá xerar os vales desde esa data, polo que pregamos ás familias que acudan ao centro a partir do martes 18 de outubro. O vale debe empregarse preferentemente na libraría/establecemento antes do 1 de decembro de 2022.

 

Distribuir contido